明报：面对劲敌Eddie出招 GM不敢怠慢 浪漫柔情告白冧爆叶蒨文
TVB恋综真人骚《女神配对计划 最后告白》，今晚（8日）起一星期播出六集结局篇。为迎接《最后告白》，制作组上周四（4日）开始，陆续推出12位求爱勇者向心仪女神说出“十年后深情告白”，今日（8日）最后登场的，是叶蒨文（Sophie）组的曾展望GM及林堡熙Eddie！
虽然GM与Sophie早已被热捧为CP，但面对强敌Eddie以各式各样深情招数、眼神及微笑强攻女神芳心，GM不敢怠慢，在“十年后深情告白”中收起调皮转Sell深情温柔、配以钢琴版节目主题曲《女神恋爱脑》，感觉浪漫：“Hello Sophie，估唔到我哋咁快就一齐咗咁耐喇，1年、2年、5年、10年，同你一齐嘅时间过得好快，可能开心嘅时间过得特别快”、“可能好多时我哋都冇做啲咩特别嘢，可能都好日常生活，一齐食饭呀、打机，但呢啲生活好开心”、“我觉得由第一日识你，我就觉得我哋都几有缘分，我咁啱出生日期同林子祥一样，你员工证号码原来同我用咗10几年嘅电话号码头4隻字係一样嘅！好多嘢都好似整定咁。”
“我觉得10年后呢，我哋应该仲会咁痴缠，可能每日都黐埋一嚿，因为我知你都係一个黐男人嘅人，可能我哋会有自己嘅家庭，跟住我会带你去探险、我会照顾你，我希望（你人）愈大，你就可以活得愈细、就好似小女孩咁、我会尽能力去照顾你、保护你，都多谢你喺我最唔开心嘅时间出嚟陪住我，我会继续努力守护你。”
被视为GM劲敌的Eddie，由于I人性格，告白内容亦内敛得多：“我觉得幸福唔係好夸张嘅嘢、係啲好生活化、好简单，好可以持续落去做嘅嘢”、“我可以同你一齐打网球、可以带你打闪避球、可以带你出海，畀你感受吓我平时喺海入面感受到嘅自由，带你玩《狼人杀》，想睇吓你做狼嘅样”、“我觉得我哋都係锺意探险嘅人，所以我哋睇嘅嘢会相似”，之后Eddie饶有深意地向镜头说：“十年后嘅嘢再算啦。”
