丁子朗首闯内地剧《搏忆》口碑好 靠“演技”突围而出打开市场
艺人丁子朗昨日（12日）出席全新旅游节目《盲盒铁路游》的记者会，接受《香港01》访问时表示自己体验一场“话走就走”的旅行：“呢个係我自己好想做，但冇咁嘅勇气，咁呢个节目就畀咗个勇气我哋。”但他在预计衣服时却失预算，因为有问过节目组，但节目组给出的指示是“偏夏天嘅衫，但有啲地方都冻”，结果是低至负10度，更要向人借衣服穿。
最令丁子朗难忘的，是在哈尔滨体验“夏天滑雪”，“我真係估唔到夏天可以喺户外滑雪，原来当地夏天气温都只係廿零度，佢哋靠几部造雪机不断喷雪，造雪速度快过融雪就得！”他形容当时“上身T-shirt，下身滑雪裤”的感觉非常神奇，是个难得的体验。除了哈尔滨，他们更去到全国最北，邻近俄罗斯的漠河，可以夏天见到极光的地方，令他大开眼界，直言“会再去多一次”。
最近丁子朗于《侠医》中演出的角色奸到出汁，让不少观众看得咬牙切齿，亦有不少人大讚其演技。对此他笑言，拍完这套剧后似乎“做坏人做上瘾”，连演绎其他角色都带点“坏坏哋”的感觉。他坦言最近去试戏时都多了坏人的角色，对此并不抗拒：“真係可能我骨子里之间，多咗一个坏人嘅基因走出嚟，咁所以呢个真係好好玩嘅事情，我又唔怕话咩定型。”
除了《侠医》外，早前播出作为丁子朗进军内地头炮的悬疑剧《搏忆》同样获得极佳迴响。他于《搏忆》中饰演小吴时亦被网民指带有坏坏的感觉，但他则指其实并不是坏：“每个人係各怀鬼胎去谂一件事情，但就唔係真係坏囉，只不过係我想用我嘅身位去查呢单case，佢用佢嘅身位得到佢想要嘅嘢，但係最后真係大家都係为件事好。”丁子朗最初都非常担心自己的港式口音会影响观众观感，幸好最后反应正面，令他放下心头大石，更有信心在之后的内地剧集中继续以原声演出。 丁子朗拍完《搏忆》后，叫做多了一个代表作：“对于好多世界唔同地方嘅制作人嚟讲都一个强心针嚟嘅，咁所以拍呢套剧，的确係对我之后接戏、拍唔同种类嘅剧集係有呢个帮助。”
对于勇闯内地，《搏忆》的成功会否令丁子朗走的会顺畅一点时，他形容每次到内地工作都像“新人重新来过”：“喺内地拍戏呢，每一次都觉得自己係新人嘅感觉，呢个係心态上好大嘅改变。”他又表示香港市场较小，拍剧时总会遇到合作过的熟悉面孔。但在内地，每拍一套新剧，整个团队都是全新的，遇到熟人的机会微乎其微，这种新鲜感让他心态上有所转变。
丁子朗面对内地庞大的市场和激烈的竞争，要怎样才可以突围而出，他觉得自己最终还是要靠演技：“因为内地好多唔同嘅戏种，咁所以如果你每一个戏路都carry得到嘅话，我相信你嘅口碑会喺度。一套戏做得好，有第二、第三套戏啲人就会搵你囉。”
