李佳芯由大角咀搬去贝沙湾 豪言人工负担得起 | 香港01
黎诺懿和李佳芯(Ali)（20/10）现身将军澳电视城出席TVB节目《随懿深度行》记者会。诺懿受访时表示：“其实今次我做主持，分别带住4位女神去到马来西亚唔同嘅地方，用咁多精力去招呼佢哋，虽然辛苦，但我都Ok嘅。咁所以完咗成个旅程之后，我就病咗十几日，最好笑就係一拍完黄翠如最后个镜头，我就即刻失咗声。其实今次我哋係拍咗成12集咁多，当中有8集係马来西亚版，咁所以真係好多谢佢哋几位嘉宾帮我完成晒咁多集。”
此外，黎诺懿就大爆Ali有奶茶艳遇，指有神秘粉丝为Ali送上饮品。Ali笑言：“其实到而家我都唔知嗰位粉丝係男定係女，佢係冇现过身，佢只係拜託其他人车过嚟我哋拍嘢嘅地方，仲预埋其他工作人员，佢真係好有心，同埋写咗好多鼓励我嘅说话，令到我觉得好窝心，咁所以我就要更加努力拍更多好嘅作品去报答佢哋。”
而今日有报导指李佳芯最近搬屋，由由大角咀搬去贝沙湾証明越捞越掂，她回应传媒时亦表示自己能力负担得到。
