明报：香港人在北京｜总监制锺澍佳爆制作费超支原因
陈展鹏、吴若希、洪永城、蔡洁、戴祖仪、吴业坤等主演的无綫剧集《香港人在北京》，收视和口碑双赢，自播出以来获不少观众喜爱。《香港人》的总监制锺澍佳去年回归TVB，《香港人》是其头炮作品，将在北京生活10多年的所见所闻、朋友的经历放入剧中，成为一段段的故事情节。
《香港人》去年疫情下在内地取景拍摄，一众演员及剧组当时需先在酒店隔离21日才可外出，岂料众人隔离了10天，隔离措施突然取消，令锺澍佳大失预算。
“原本计好晒数，要隔离21日至开工，点知隔离咗10日突然解封，成班演员即刻可以出晒嚟，食我嘅住我嘅，仲要安排活动畀佢哋，约埋一齐去玩密室逃脱﹗陈展鹏带埋老婆（单文柔）同个女（陈诺瑶，小猪比），成家去旅行咁，差啲连工人姐姐都想带埋嚟﹗小猪比由最初一句普通话都唔识，到走时讲得一口流利﹗吴业坤报名学巴西柔术班、吴若希同戴祖仪就去学瑜伽，尤其是吴若希，话唔使凑仔真係好﹗个个好似度假咁，玩得好开心。佢哋就开心，我就真係Over Budget﹗”
不少观众也好奇为何安排吴若希担任女主角，锺澍佳透露箇中原因。“睇过佢喺剧集《旁观者》演黐线变态角色，觉得佢演得好好。我之前对佢嘅认识只係歌曲《越难越爱》，返香港后从其他人口中知道佢係大笑姑婆，就觉得佢演喜剧一定得。我今次要搵个识唱歌又识演戏嘅人，我唔锺意搵幕后代唱，佢同吴业坤正合我意﹗吴业坤喺现实中仍追寻紧歌唱梦，但又有啲停滞不前，同个角色好似。”
