明报：监制锺澍佳因情意结回巢 盼助港剧重现光彩
TVB剧集《香港人在北京》总监制锺澍佳19岁加入无线，由助理编导升至监制，代表作品有剧集《难兄难弟》系列，及后离开舒适圈外闯，拍过不少电影，亦执导及监制过多部内地剧，直至去年回巢主理77工作室，负责无綫所有内地及海外合拍及订制剧。除了《香港人在北京》，尚未推出的《新闻女王》亦是其的作品。
他坦言北京近10年变化很大，各方面也有很大进步，生活环境很好，相比之下，香港显得落后。“内地取景比香港更容易，基本上冇咩拍唔到，警署、机场、大商场，只要从正常途径申请，真係会借到畀你拍，所以我喺内地拍剧拍得好爽。虽然香港政府已好努力做好多协调，但地方细、人又多，拍摄器材有所限制，同内地真係差好远。”
虽然如此，锺澍佳还是对香港剧集有种情意结，加上恩师曾志伟，便决定放下内地的发展返无綫工作。“近几年见到内地同台湾媒体讲到港剧，都係以‘怀旧’、‘当年’、‘依家唔得’呢啲字眼形容。我作为一个拍港剧出身、喺TVB学习、成长嘅人，真係不是味儿。港剧曾几何时代表时尚、有品味、节奏快﹗点解会咁呢？2000年后就好似停滞不前，好想知点解会咁？我自问能否凭自己少少经验，帮到依家嘅港剧。而且香港导演喺内地好难有喜剧拍，因为内地人唔识笑港式笑话，但我比较锺意拍喜剧。返嚟就可以拍多啲喜剧，而且我觉得香港观众需要喜剧，要开心啲﹗”
锺澍佳曾看不过眼某些港剧Hea拍、Hea做，他坦言每个机构都可能发生类似情况，这次回来就是希望能带动气氛，提升剧集质素。“依家内地喺技术同制作层面上唔会差过香港，甚至有过之而无不及，加上尺度大、够胆拍，港剧某程度上好似停滞咗。资源愈少，自然少好多可以做嘅可能性，愈少可能性就会愈少资源，同内地相反，香港要追落后﹗我唔敢讲自己可以做乜，只能够分享经验，畀机会新导演同新演员。其实我哋嘅演员层面需要更新，以旧演员带出新演员，呢个先係正确方向，亦係我未来嘅计划。”
