何依婷结婚唔大搞尽量简单 唔会减少幕前工作：佢好支持我嘅事业 | 香港01
TVB台庆月重头剧《新闻女王》即将播出，而今（14日）剧集就举行宣传，一众演员均有出席。其中，在日前已公布婚讯的何依婷（Regina)就成为焦点，在接受访问时她对圈外老公讚不绝口，同时透露结婚不会大排筵席，会在香港以外地方举行简单的婚礼仪式。
在接受访问时问到Regina为何选择在此时间公布婚讯，她就开心表示：“其实呢件事唔係突然，我哋一路有安排准备，所以想喺结婚之前通知大家。（会唔会喺香港摆酒？）唔会喺香港摆，因为自己锺意简简单单，唔係特别锺意好多人大排筵席，所以喺外国搵地方可能同屋企人食餐饭。（外国边度呢？）都係喺亚洲地方，屋企人有大有细，唔方便搭长途飞机。（会唔会请圈中人？）我谂係少，本来唔谂住大搞。（上紧位宣布结婚惊唔惊影响事业？）我相信公司都明白嘅，我觉得一个演员，其实唔会因为佢结婚而影响佢嘅演艺生涯，人有唔同嘅经历先演都唔同角色。”而她亦透露在宣布之前已事先告知公司。
将成为人妻的Regina亦透露了被求婚的过程：“佢约咗我哋成班朋友一齐，一齐去呃我去食下午茶，点知原来係求婚。（香港？）係。（结咗婚会唔会少做幕前赶生B？）唔会刻意减少幕前工作，我觉得BB係上天赐俾我嘅礼物，我觉得随缘，佢都好支持我有自己嘅事业。”
另外，问到父母对未来老公有如何评价时，她就表示：“非常之满意，因为佢係一个性格好好嘅人，作为佢嘅另一半你会觉得好开心，做朋友都会好锺意佢，好善良，特别会为人设想嘅人。我身边嘅朋友全部都对佢讚不绝口，佢真係超级好人。”而他们二人本身认识多年，唯近年多见面慢慢了解才有进一步的发展。
而提到在剧集《新闻女王》中与佘诗曼合作，是不是很紧张？她就表示：“其实开头係紧张，但其实佢係一个好随和嘅人，佢已经即刻安排成班演员出去食饭，所以相处落嚟，佢除咗係一位大前辈之外仲係一个慷慨大方嘅人。”还非常感谢对方在剧中的提点，二人合作相当愉快。
