亚洲超星团｜丁子朗打扮妆容惹负评 孔德贤撑好友：羊评论都会有
孔德贤（Danny）今日（22/11）现身将军澳出席《爱心曲奇暖万家》爱心探访活动。对於好友丁子朗参加《亚洲超星团》因金髮Look及妆容太白，备受网民评击。Danny受访时表示：「其实我同丁子朗相识左7年咁耐，可以话系一齐长大。见到佢為左参加呢个比赛，佢系落左好多苦工，睇到佢连续跳左3分鐘嘅跳舞片，都唔知道佢排左几多个夜晚。就好似我之前喺台庆扭两扭嘅舞，我都排左成个月，所以我真心觉得佢好犀利，佢意志真系好坚定。」
Danny续说：「其实喺网络世界羊评论都会有，同埋负评个个都会有，但当佢能够突破到自己嘅舒适圈嘅时候，当然系需要好大勇气，而嗰啲评论就可以唔使理，最紧要系佢意志要坚定。就好似佢同我讲，话佢自己入行年岁要开始变，唔想错失机会令自己后悔。（你唔学佢参赛？）虽然我同佢同年，同一个月生日，我都老啦，其实我自己系想做一个成熟嘅演员，因為明白到依家系需要一啲年青而且又要演技成熟嘅演员，所以我系想专注喺呢方面进发。」
