中年好声音2｜谷娅溦批俞霏唔听话 黄剑文画眼线变街童
TVB《中年好声音2》后晚（3日）播出第五部曲《廿四强导师分组赛！致敬传奇巨星！》下半场。红组的陈俞霏献唱张国荣的《大热》，红唇及All Back髮型十分抢眼。由于俞霏不在香港居住，令导师谷娅溦十分苦恼。
谷娅溦直指俞霏不太听话︰“可能佢一开始会唔听我讲嘢，但唔紧要，当佢见到每个学员都有进步，而佢自己好似冇进步时，佢就会知道紧张！”
经谷娅溦悉心调教，俞霏演出时的兴奋指数下降，声线变温柔，只是仍偶有拉咪飙高音。周国丰说：“其中一个好明显嘅进步，你之前好Hyper式嗰种发癫，今日係收敛咗，收敛得嚟係一个Performance应有嘅standard。”关心妍则说：“头先你坐喺度，我都认唔到边个係你，好Fresh、好型格同好舒服，但係太过刻意去Show off唱功。”
蓝组的谭辉智献唱《深爱著你》，性格内敛的他献唱时终于有台风，令人眼前一亮。韦绮姗对此特别感谢已被淘汰的尹新杰：“多谢尹新杰帮我哋蓝组执晒啲台风，唔会令辉智企喺台度一口嚿饭咁！”张佳添说：“送4个字畀你，恰到好处，我觉得你係今季嘅罗启豪，畀到愈嚟愈多好嘅亮点令大家记得你，睇好你！”周国丰却说：“呢隻歌係怀缅紧以前，所以唔应该係开心嘅歌。”
蓝组的黄剑文、梁浩贤合唱《喜欢你》。韦绮姗对学员咬字要求甚高，赛前要求学员录下读歌词的声带。她指大部分学员也很听话，惟浩贤没照做，浩贤即时认衰。画眼线化身Rock友的黄剑文、梁浩贤一唱一和，默契十足。车婉婉笑言不认得剑文：“好似变咗街童，争块滑板就可以去踩板！”
张佳添说：“唱Rock版《喜欢你》係OK嘅，但首歌始终係Rock Ballad嚟，我Feel到Rock嗰Part，但Feel唔到Ballad。”伍仲衡则说：“剑文你啲哭腔进步咗好多，不过你硬係每句都有一粒，搣埋嗰粒啦！”
