何依婷甜爆速嫁原因：佢太好唔想错过 演心机女被评戏屎获准老公呵返
TVB台庆剧《新闻女王》赢尽口碑，饰演心机女主播“徐晓薇”的何依婷顺利入围，跟高海宁及江美仪等争女配角奖。对于演技被插，将出嫁的何依婷获准老公提醒，唔好为少部份负评，忽略支持自己嘅人，而她更甜蜜自爆速嫁原因，因为准老公人品极好：“呢啲用钱买唔到，唔想错过。”
採访：方骞平 摄影：钱文坤 服装：Aleshia 场地：荷里活广场莆田
在新剧中，何依婷饰演患有抑鬱症的反骨妹“徐晓薇”，靠不择手段上位，观众对她演技有弹有讚，有评她不够奸；也有讚她声泪俱下嘅一分钟独脚戏，演活抑鬱病人的痛苦。
何依婷明白角色有苦衷，所以唔多讨好，幸有另一半安慰：“佢觉得负评好小事，反问我‘你睇唔睇到好多人留言讚你？真係为咗几个评价唔开心咩？人哋讲乜影响到你咩？’”心都甜晒的她庆幸有另一半及朋友的支持，最开心收到鼓励电邮，“我真係收到300个电邮，当中有抑鬱症病人留言认同，话理解‘徐晓薇’嘅痛苦及心情，要同‘徐晓薇’讲句多谢。”
准老公唔介意她演咀戏
问到跟准老公林生的相识经过，29岁的何依婷透露是大学同学，对方大她一岁是物流公司老板：“拍拖前一直保持联络，但我比较内向，坚持大家性格唔多夹，至疫情下冇得出外交往多咗，原来可以互补性格上不足，而家佢令我变得有动力。”
依婷对准老公讚不绝口：“佢好谦卑又大方，做事有承担及够理性，对每个人都好好，我做乜都会支持我，就算内心係介意我同马国明拍咀戏，但都提我要珍惜好剧本推我去演。最重要佢情绪稳定，有个情绪稳定及好嘅另一半会令我成长，呢啲係钱买唔到嘅，我冇深究係咪豪嫁，最紧要大家相处得好舒服。”
