星岛：新闻女王丨马国明被汤洛雯叫老公“都几爽”揭造人计划 隔空祝福旧爱黄心颖
佘诗曼、马国明及高海宁等众《新闻女王》演员，（22日）齐集澳门出席活动，齐齐睇《新闻女王》大结局，刚在泰国举行完婚礼的马国明身穿粉蓝色西装现身，心情劲靓的他指因要赚钱养家，所以尽快复工：“男人要赚钱养家，我係打工仔唔係富二代。”
汤洛雯蜜月想睇北极光
马国明又大爆蜜月之旅行程：“老婆想睇北极光，睇吓之后剧同剧之间可唔可以计划一下。”至于是否要赚奶粉钱？马国明则表示要随缘，但双方也没有压力，问到在泰国是否有努力做人？他即尴尬地说：“呢啲唔讲，总之大家都好乐意，如果有都会欣然接受天赐嘅礼物。（生几个？）唔会太多，最多两个，惊分唔到时间，都係一个起两个止。”
虽然今次泰国婚礼有很多人开心到喊，但马国明就指他与老婆汤洛雯没有：“老婆忍到，我係开心多过喊。”
马国明岳父教夫妻之道
马国明指婚礼上有很多难忘的事情，其中一项是跳舞，他表示以前很抗拒跳舞，但今次就难得的享受：“婚礼隻舞係第一次觉得享受，可能当时气氛令到成件事好靓，我谂我真係人生第一次觉得享受，虽然唔係跳得好，因为自己根基有限，但每次我无以前咁样抗拒跳舞，台庆跳舞心里面都有少少抗拒，因为跳得唔好。”马国明表示岳父大人叮嘱大家开开心心，要互相忍让等等。
马国明竟然无戴婚戒
马国明笑言现在终于等到靓汤叫他做老公，感觉几爽：“佢一直都唔肯叫，话结婚先叫，而家都几爽，好sweet，听到呢个称呼都开心。”问到他为何今天不戴婚戒？他说：“我惊跌咗俾老婆闹，所以寻日攞咗去改，好惊唔见，实俾人闹，自己都唔好意思。（买过一隻。）意义都唔同咗。”
对于《新闻女王》大结局，他表示没有特别不捨，最紧要观众喜欢，至于是否希望拍续集，他表示要睇公司话事，相信监制筹备剧集的时候没有想过要拍续集，由于每条线都完结，是否真的能继续发展，就要问他们。问到郑嘉颖是否已约他食饭？他表示最近很忙，没时间，要得閒先约：“太熟唔使刻意，佢话约食饭之后俾返份礼。”
马国明祝福黄心颖
另外，旧爱黄心颖近日剖白“安心事件”的感受：“大家都唔好再周旋喺嗰件事度，每个人都已经重新开始，佢又结咗婚我又结咗婚，呢件事都唔需要再提，好多年前嘅事，都唔需要再点提。”对于黄心颖祝福他结婚，马国明说：“我都祝福佢，希望佢幸福快乐，大家都重新开始，呢啲咁旧嘅嘢唔需要攞返出嚟讲。”
