新闻女王｜陈山聪认同谭俊彦係竞争对手 冧庄视帝？唔可以咁贪心 | 香港01
陈山聪和谭俊彦（22日）与《新闻女王》全员现身澳门出席“结局夜女王终极直播”活动。提到日前无綫公布《万千星辉颁奖典礼2023》侯选名单，《新闻女王》 入围23项提名。 陈山聪和谭俊彦一起接受《香港01》 访问时表示：“好开心！”
谭俊彦指大家的努力都有回报，并表示：“我其实都係客串性质，但都入围咗一个奖项（“最佳男配”）。”陈山聪则表示：“今次佘诗曼返嚟，我都举手做一个客串嘅角色。我能入到“最佳男主角”（《稳形战队》）十强都开心嘅，希望大家都可以攞到奖。”
至于陈山聪会否觉得同阿佘戏份太少，他表示：“当然啦！得几场戏。同佢演戏好开心，希望不久嘅将来可以大家再一齐合作。”讲到今次为演绎角色“智障爸爸”下了不少功夫，他说：“呢个角色係难演嘅，搵咗老师教我一啲演技嘅方法，同佢研究点样谂呢一个角色会好啲。”
讲到两位都是凭《新闻女王》同时入围“最佳男配角”，被外界视为竞争对手，陈山聪笑言：“我同佢不嬲都係竞争对手。开心嘅係可以一齐入围得奖都係开心嘅事，边个攞奖都好。”被问到陈山聪对于“最佳男主角”入围，有望第二次夺得“视帝”，他笑说：“男主角旧年已经攞咗，唔可以咁贪心，应该要将呢个喜悦分比第二啲人。”
对于网民指谭俊彦同阿佘外景拍拖戏很少，更认为何广沛与对方的床戏较为激烈，他表示：“因为我哋嘅关係都比较成熟少少，如果大家想睇可能要睇《新闻女王》前传。我觉得床戏係一个宣传点，我锺意嘅感情係比较成熟啲，演绎一对情侣因为了解而分开，去经历伤痛，完全唔同！”
