星岛：丁子朗决心：唔想衰畀香港人同公司睇
选《超星团》被高层劝退收网民负评
26岁丁子朗2016年参加《香港先生选举》夺亚军入行，入行7年一直发展不俗，最近推出新剧《妳不是她》已稳坐男一位置，但早前却参加选秀节目《亚洲超星团》做练习生从新出发，原来做男团一直是他梦想，就算公司高层曾劝退怕他出丑，亦收到不少网民负评，反而令他更有决心证明自己。
採访：杜杜 摄影：Stanley
子朗坦承最初去试镜做“超星练习生”，只是应公司要求，没抱太大期望，后期才被高层说话挞着争胜心，“今年年头公司见我25岁楼下，就叫我去试吓，我同公司最初都冇乜期望，入围后公司有啲声音话‘你真係决定参加？唔好出丑喎！你係代表紧公司同埋香港去’有少少劝退，既然主办方畀得我入围，就要全力以赴。”
感激黄宗泽出手助试镜
外界有不少声音，认为子朗已做埋主角，为何要由零开始咁傻？原来他一直有个男团梦，“15、16岁参加过韩国公司SM面试，咩都唔识衰咗，呢几年忘记咗呢个初心，今次係好机会实现10年前梦想，相信呢个係我人生第1次参加选秀，亦係最后一次嘞！同埋唔係返唔到转头，我唔想将来后悔。”
当时正在成都拍内地剧《暗恋者的救赎》的子朗，更多得同剧的前辈黄宗泽帮助准备试镜，“初头佢都係劝退‘ 靓仔，试吓就算，唔啱你不如唔好去嘞，返嚟拍戏可能仲好呢’但当佢知我下定决心， 唔想衰畀香港人同公司睇，就即刻好支持，我哋食紧饭佢都即刻打电话，用佢嘅人脉搵咗成都嘅舞社畀我学跳舞。”
对于参赛后收到不少负评，子朗完全冇因而影响情绪，更成为他进步的动力，“真係唔可以用负评嚟形容，只不过喺网络世界大家发表自己意见，我好少听到身边人以外咁多朋友畀意见我，我都係改变紧嘅阶段，都唔知好定唔好，譬如髮色都试咗3、4个，网民嘅意见咁样好啲，咁样做核突喎！我咪知囉，唔止外形，跳舞唱歌网民真係识嘢，我真係虚心接受呢啲意见，会睇晒佢哋啲留言，真係好有创意。”
