马国明回应与林保怡合拍《刑侦12》 ：有听过佳哥讲会开呢套剧
近日有传离巢TVB13年的林保怡，有机会重返TVB拍新剧《刑侦12》。有指今次回巢，是由现时主力为无线重头剧出任总监制，即《新闻女王》的监制锺澍佳一手促成。据知《刑侦12》由电影《正义迴廊》编剧谭广源出任编审，演员阵容当中除了林保怡之外，主角有马国明同陈炜。
今日（9/1）马国明现身赤鱲角机场出席剧集《飞常日志》宣传活动，就上述传闻接受《香港01》访问，他时表示：“我都係睇到新闻先知话我有份，其实公司到而家都冇讲过话我有份嘅，变咗我都唔知点解会有呢个传闻走咗出嚟。不过我就有听过话会开呢套剧，之前拍紧《新闻女王》嘅时候，已经听佳哥（锺澍佳）话会开拍，同埋听佢讲过话想搵林保怡做。
只係听过佢讲咁多啫，冇听过佢话会搵埋我。所以而家啲新闻出咗之后，我都唔知係真定係假，因为佳哥到而家都冇搵过我。（会唔会主动问吓佢係唔係？）唔谂住问，如果佢真係搵我嘅，就会搵我，因为我好少会自荐。如果自荐我会觉得好尴尬成件事，因为我觉得嗰个监制想搵你，就自然会搵你，所以我唔会问。”
