台庆颁奖礼｜袁志伟膺“万千光辉荣誉大奖”：TVB从无干预新闻部运作
《万千星辉颁奖典礼2023》由TVB总经理（节目内容营运曾志伟负责颁发“万千光辉荣誉大奖”。由新闻部的袁志伟夺得，袁志伟在无綫新闻47年，由记者﹑主播﹑採访主任到主管等，相当专业，袁志伟说：“出镜出得多，咁嘅场合未试过，从未谂过新闻部嘅人可以攞呢个奖，我觉得如果颁呢个奖嘅话，唔係颁畀我，我不过因为新闻部几百人其中一个，颁嘅应该颁畀成个部门，不过我代表成个部门，首先要多谢TVB，唔係客套话，係好重要，一直以来，TVB老闆及最高管理层，从冇干预过新闻部运作，亦冇影响到我哋新闻报道方向及内容，呢一点要真正多谢管理层。”
他续说：“做记者﹑主播﹑採主﹑主管﹑总监，係我第一份工，亦係最后一份工，做咗47年，造就我不一样人生，我做记者时，遇到8号风球及10号风球，我出去做现场直播，每年团年饭，我都会做花市直播，唔係一般普通人年年都遭遇情况，多谢TVB畀机会我。”
