明报：杨千嬅生日忆低潮期落泪︰见到自己嘅CD碎到一地都係
杨千嬅昨天（3日）50岁生日，与近千歌迷开派对庆祝。近年主力内地市场的她自言在香港长大，一早决定50岁生日要留港跟家人及朋友度过。她说︰“冇谂过自己唱歌会唱到半百，回头望呢段人生路非常精彩，冇遗憾。”
千嬅表示已视出席粉丝是家人，又说很久没在香港演出，不想哭。她在派对上唱出《火鸟》、《我係我》、《偷生》等歌曲，随后分享心底话，其间忍不住落泪。千嬅自言经历了一个很大的考验，过程虽不容易，但也生活得很好，毋须担心。她说︰“我回望人生係笑比喊多，都係开心嘅人生。过去嘅日子经历高山低谷，得到好多养分同智慧。”
千嬅坦言那几年颇难过︰“新时代网络风暴係一场好震憾嘅经历，我乜都遇过晒，几十岁人有咩未见过？真係低处未算低…经过呢段日子，我发觉自己真係好强大。好感恩上天畀我有力气时经历呢个浩瀚人生。低潮时嘅情绪係无色无味，当人负面时要容许自己唔开心。我试过死顶，唔想畀人知我唔开心，结果刻意扮开心就吓亲好多人，令大家好担心我。嗰一刻，我好迷惘，唔知发生咩事，好困扰。见到自己嘅CD碎到一地都係，心好痛，连朋友都唔敢再关注。你闹我冇问题，唔好闹埋我啲朋友，谂住一个人撑唔好害人。我曾经觉得好恐怖，选择‘熄机’唔睇唔理唔听，休息畀自己时间消化。”
千嬅直言是靠歌迷力量才能重新振作，有歌迷将她多年来的得奖感言剪辑成3分钟片段。千嬅续说︰“我当时边睇边喊，原来我讲过嘅说话曾经帮到人，到最后帮番我自己。我发现困难时，只可以自己救自己，唔好放弃自己。我想同爱我嘅人讲，面对困难时记住有心跳就有希望，唔好放弃自己。我希望你哋爱自己，要有健康身体，面对挑战时提升自己嘅能量，遇到最坏最唔开心嘅事都可以逆转。我50岁做到，你哋咁后生可以活得更精彩。”
