陈懿德断韧带跛脚仍然综艺接唔停 龙年目标做一厂大骚司仪
陈懿德（德德）在2022年参加《香港小姐再竞选》，凭住搞笑又有个人风格的腹语表演突围而出夺得季军。正当工作量开始增多之际，去年初她却因為打波整伤韧带，要停工休养兼做脚部手术，对正值上位期的她来说，可谓是晴天霹靂！不过，她在脚伤后仍然工作不断，早已达成年初订立的目标，不但有监製跟她说：「唔紧要啦，你整亲脚，我的就做个坐低嘅节目啦。」她更成為重头节目《亚洲超星团》的唯一后访专员，亦因癲癲得得性格而有不错的观眾缘。趁住农历新年，《01娱乐》相约德德整萝卜糕，顺便讲下龙年愿望，她说：「希望做到一厂大骚司仪！」
场地：Studio Meta
脚伤停工体重劲升10磅 冇衫岩著陷容貌焦虑
德德前日（9号）刚刚26岁，生日与年三十重叠，但就要在工作中度过，由细到大她的生日都在农历年前后，讲到究竟是好是坏，她说：「有样野几得意，每年生日都会叠近新年日子，譬如我今年26岁，我契爷契妈会畀26封利是我，每年都足！」团年、开年、生日会密密食，一定会食肥左，德德选港姐期间曾经用三个月时间减去22磅（她更正是27磅！），讲到过完年如何减肥，她却说自己以往的方法太极端，油、盐、糖、汁全戒，加上每朝跳400下绳及狂焗桑拿，结果却因吸收不到健康脂肪，食太多白烚食物而甩头髮，「疯狂甩头髮，我系劲Depressed，就咁『搲』一『搲』个头，甩嘅髮量多到我以為生Cancer，真系唔系讲笑！」
她自言由细到大都肥底，23岁选港姐前未瘦过，当时地狱式减肥瘦返当然开心，还买了很多新衫，但去年脚伤意外后，两个月休养时间被迫停止运动，令她体重瞬即飆升10磅，德德沮丧不已，更一度陷入容貌和身材焦虑：「抖完我开始要返工，但啲衫着唔落，企喺啲衫同裤前面拣唔到著边件，真系喊左出嚟！」眼见自己愈来愈有肉，但那时伤到连去厕所都要坐轮椅，又如何做运动呢？这种无力令德德深感委屈，不过她后来慢慢想通，明白到这只是过渡期：「我会慢慢变好，呢个唔系永久嘅stage，之后会越嚟越好睇！我会更努力畀大家见到更好嘅陈懿德！」
新年著红底底 被李丞责批桃花运麻麻
说回新年，德德从小就会陪家人包利是，视之為亲子活动，而母亲更会送她「红底底」：「佢諗住新嘅一年送一个祝福畀我，希望我由内到外都咁好。」问她会否对传统习俗跟到足，她说自己初一确实会不洗头，但去年就发生了一件事：「旧年我年三十赶得滞唔记得洗头，但系已经初一喇喎，个头已经好『笠』，嗰日劲『笠』劲油都要照出去拜年，好唔舒服。一到12点前我即刻倒数10、9、8、7……跟住去洗头。」
德德最近主持新春开运节目《风生水起》，接触到多位玄学家，想必有趁机会叫对方赠自己几句，她透露李丞责师傅讚她今年财运好、驛马星动适合拍旅游节目，亦适宜拍感情戏。不过感情运方面，师傅就话麻麻，德德失望说：「佢话今年桃花唔太突出啊！佢讲完一堆野，我听得好开心，跟住我就话，丞丞师傅我想问我今年嘅桃花点呀？佢諗左好一阵嘅，跟住佢话，你今年桃花就……唔太突出，所以唯有努力工作先萝。」
爆许文轩比徐文浩咸湿 教催财两招
德德又大爆料，指拍摄期间有一个冇出街环节，从面相睇哪位男拍档比较咸湿，她笑唔停叫记者估答案，笑说：「正常人都应该系估文浩咸湿啲啦系咪？但系系Edmond（许文轩）呀！」之后还不断帮两位拍档讲好说话。而拍完这个节目，德德亦学识不少催运大法，现在教大家几招：「今年嘅正财位系北面，要摆啲红色或者金色嘅饰物或者物品。如果偏财位就系东面，呢啲位置可以摆猪仔钱罌或者一缸水。（你有冇真系跟住做？）我有呀，成日喺屋企攞个指南针周围度呀！」
回应住豪宅好有钱 首次派利是超有心思
讲起屋企，德德不时因為「屋企大」上报，指她位於元朗的大宅楼底极高，有巨型饭厅容纳到20人开Party，她亦不讳言屋企空间够、坐得舒服，过年的确是其他人到访她家拜年居多。对於「有钱女」标籤，原来在入行前已经有，德德说：「其实我由细细个，有时人的都会有啲标籤，形容我屋企有钱，但系我会觉得嗰啲钱唔系我，屋企有或者爸爸妈妈有，系佢的嘅事，但系我好希望系我自己搵到，然后我养返佢的，所以我喺大学时期已经冇再问屋企攞钱，疯狂补习，希望唔好靠佢的畀零用钱，而自己自给自足，交学费。」
德德每年利是钱都几多，父母最多试过畀$5,000，收利是当然收得多，但今年是德德入行后第一年派利是，她特製了两款「德」字利是封，笑言兴奋又紧张：「利是封后面写埋我好想多谢大家，同埋对大家嘅祝福语，我系好有心思，有冇人讚自己好有心思㗎 ？哈哈，希望大家感受到我嘅心意！」并谓：「我上年已经想派，好想多谢返每一个帮过我嘅人，虽然啲人成日话我屋企有钱，但系我希望大家留意返，啲钱系我自己攞出嚟派畀大家，多谢大家！」
感恩唔靚女都有人帮 仍然期望真诚对人
德德在访问期间不止一次说，自己靠大家才有今日，以入行两年几的新人来说，她的机会绝对多，而她亦相当感恩，不放过每个可以多谢同事的机会：「我选港姐嘅时候，我妈咪都话真系估唔到你入到决赛，佢支持我选，觉得有多啲经歷、经验，但其实我由细都知道我唔系嗰种『哗，你真系好靚呀！』嗰种女仔，嗰种女仔就话Suppose好多人帮，你靚，我都想畀你好啲啦。我唔系嗰种，但系沿路上又有好多人帮我，所以我有今日唔系靠我自己一个人，要多得咁多人咁锡我！」
第一次和德德见面时，很快已感觉到她几搞笑又热情，傻大姐一名很有亲和力，而「真诚」相信亦是其可贵特质之一，她选港姐填志向时，期许自己成為一个忠於自己、真诚善良待人的自主女性，因為她觉得，要做个有贡献的人很易，要真诚待人却很难，尤其年纪愈大就愈难。当问到在娱乐圈浸淫了几年，自己是否仍然履行到选港姐时这个志向，她说：「真诚待人系好难，但我同时都相信，每一段关系都系双向，你真诚对人人的就点对你。你唔用真心对人嘅话，凭羊都要求人的用真心对你？所以我都继续保持住真诚嘅心，希望可以感染到大家！」而她亦感激在这个人称「大染缸」的地方，遇到的人都是很好的。
无惧脚伤未复元 接连获点名孭飞综艺节目
过去一年，德德虽然整亲脚，但她仍然觉得这年好好，本来她都很担心因為脚伤而失去工作机会，非常沮丧，而在此她要特别感谢《周六聊Teen谷》监製吴国华：「佢话唔紧要啦，你整亲，呢个节目你坐低做啦，呢个系我整亲之后第一个节目，亦都因為呢个节目，开始有第二啲导演同监製见到我嘅存在，搵左我做其他节目，譬如《请一日假去旅行》，我冇諗过慢慢多左工作。」
去年初，她祈求可以在这年间拥有属於自己的综艺节目，韧带撕裂时她以為「世界末日」了，但接下来不论是上述的节目还是《通灵之王2》，都找德德做主持，她更是重头节目《亚洲超星团》的唯一后访专员，深得监製欢心。德德说自己做《超星团》一晚内要认出65个学员，记低评判对各人的评价并且逐一访问，更要随参赛者背景即时「转Channel」用不同语言採访，自己有时都很错乱，绝对挑战甚大。
龙年望进军一厂 做大骚司仪
不过德德亦留意到，有观眾说她普通话可以讲好一些，她於是就去学普通话增进自己，往司仪方向继续进发。访问做到半路，德德突然「呀！」了一声，然后说今年最开心访问了刘德华、林家栋，并获得很多好评：「做一个访问系好难收到好评，尤其是我呢啲夸张派，大声少少或者笑得开心啲，啲人已经觉得太Over，但有时做综艺节目就系需要呢样野去增加个气氛，令人的觉得开心，所以有时都Adjust紧个程度。啲人睇完足本版竟然讚我！最开心系⋯⋯哈哈哈哈！佢的觉得我喺佢的面前都冇怯场，好淡定，个笑都OK唔会太多，我觉得好开心！」
不过德德都坦言，新一年其中一个目标，是主持节目时不要只顾住大笑，「有观眾话见到我做主持就觉得有个开心嘅氛围，呢个系真性情，但系有啲观眾觉得Over左，我而家都拿捏紧，呢个都系我目标。」除此之外，她希望综艺、司仪、剧集三线发展，但目前会先做好主持工作先，因此她第二个目标就是希望向一厂进发，做大Show司仪，祝德德心想事成！
