武林｜谢嘉怡为角色狂操一字马叫苦连天：我啲筋係好硬
谢嘉怡（Lisa）今日（21/3）现身电视城出席TVB新剧《武林》造型记者会。她透露在剧中饰演一名武林高手，当中有很多动作场口：“为咗今次呢个角色，我一星期有两日要练武，每次练功都要练4至5个钟，开头都几辛苦，但后尾都好似适应咗。其实最辛苦就係要拉筋，因为本身我啲筋係好硬，加上武指佢要求我係要做到一字马，所以我係要顶硬上，变咗而家每次做运动我都会拉筋半个钟，做完之后我又会拉一个钟，而家我距离整到一字马仲有10寸左右就落到地，相信两个星期后会完成得到。”
