李龙基指王青霞在惩教所食唔安瞓唔落 ：佢无咁快习惯
艺人李龙基的36岁未婚妻王青霞（Chris），因涉逾期居留、使用虚假文书等6罪被控告。李龙基今日（22日）早上再次现身大榄惩教所，探望还押中的未婚妻王青霞，李龙基接受《香港01》 访问透露未婚妻心情，他表示：“都係冇计㗎啦，始终都係失去咗自由，心情一定唔好，理解嘅！”
被问到二人的交谈对话，他说：“冇，我都係叫佢唔好担心啦！安慰佢，尽量希望唔好佢嘅心情起啲咁大，咁都係倾吓啲家常嘢。”提到目前未婚妻是否已经习惯，他表示：“冇，佢无咁快习惯。（都係食唔安瞓唔落？）都係㗎！其实因为对佢嚟讲打击都係好大，对我嚟讲打击都好大。”
提到现阶段是否已经联络了律师商讨，他说：“律师一路跟进紧，律师一路做紧嘢，希望帮到佢啦！律师话尽量帮得到佢减少啲痛苦之类。”
至于现阶段是否会停工，他说：“昨日都讲过签咗约收埋订嗰啲，嗰啲我就唔会停工。若然冇嘢做，我会朝朝早嚟探监。最低限度都俾佢有心灵嘅安慰，每日都见到个未婚夫，我相信对佢帮助好大。”提及星期六是元宵佳节，会否在这天探望对方，他表示：“未知，但係我会尽力争取。”
被问到未婚妻的家人是否已经知情，他说：“佢屋企人仲係德国仲未返嚟，要月尾先返嚟。我徵求吓佢嘅同意，佢同意我就会接触佢。”
提到昨天会为未婚妻找回飞机牌证书澄清一事，他表示：“仲搵紧，因为都事隔九年，2016年至2017年，我而家仲搵紧。因为有好多嘢我唔知，老实讲我唔係好清楚佢以前啲嘢，我会尽最大嘅能力帮佢。”
提到未婚妻目前还有什麽需求，他突然爆喊：“其实都冇乜喇，佢希望我自己照顾好自己啦，我会嘅、点解呢⋯⋯（突然悲从中来）我⋯⋯我⋯⋯我会妳放心，因为我知道⋯⋯如果我冧呢⋯⋯就好难帮到嘅，我唔会冧，我会好好咁保重自己。”讲到2月28日是作保释覆核申请的日子，他说：“我一定会去。”
