星岛：孔德贤首演男一暴瘦10公斤决心戒坏习惯 感受担正威力兴奋睇贺岁盃被集邮
孔德贤（Danny）在《本尊就位》首次担正，还尝试多个第1次，令他相当难忘，因被安排在贺年档播出，曾担心收视，幸好顺利过关，还感受到剧集入屋的威力。另外，拍该剧暴瘦10公斤的Danny唔想累全家，誓要戒掉唔愿瞓坏习惯。採访：杜杜 摄影：谭志光
《本尊》在贺岁档推出，Danny认有压力，“好惊大家忙于拜年，收视变个位数，咁点交待，好彩收视都唔错。”他最开心剧集出街后被叫角色名，“我去大球场睇贺岁盃时，好多人嗌我‘大仙可唔可以同你影相’，有啲仲係讲普通话，好正，有人认得自己，嗌得出角色名，已经好心满意足。”
他相信农曆年前先推出《你好，我的大夫》和《新闻女王》有一定帮助，“3个角色完全唔同，希望将来大家嗌得出我真名，记得我拍过啲乜嘢。”
自荐巴黎採访奥运
Danny拍《本尊》初次担正，对心理和生理都好大挑战，更因未适应演男一而暴瘦近10公斤，“好恐怖，我得返62.5kg，未试过呢个体重，通常都超过70kg，因为唔够瞓，又热到成40度，外景饭盒只食得两啖，成日好晕好头痛，体重就跌得好紧要。”
Danny去年接受《头条日报》访问时，新年愿望是戒掉不愿瞓坏习惯，1年过去愿望未达成的他因拍摄《本尊》，明白保持状态的重要性，所以希望今年能成功戒甩坏习惯，“如果拍朝早9点都好大镬，好似通顶去开工，但係人人都好精神，出到嚟唔好就係我嘅责任。”
刚开拍的剧集《反黑2》成功实现Danny去年的另一愿望，“演社团小头目，去另一个字头做卧底，角色绝对有发挥，所以剪咗呢个头髮去迎接工作，将会同陈小春、谢天华及小龙（陈国坤）前辈有对手戏，开心又紧张。”
另外，他打算自荐去巴黎採访奥运，“我係运动迷，所有运动都会睇，以往会煲奥运，好想去感受气氛，最希望亲眼见到张家朗攞金牌再访问佢，仲有见证100米飞人诞生，同埋希望顺便去欧洲旅行，哈哈！”
