明报：陈慧琳时隔19年广州再开骚 与周笔畅重拍9年前头贴头合照
阔别广州歌迷19年的陈慧琳（Kelly），在广州体育馆举行《陈慧琳SEASON2世界巡迴演唱会》，与过万歌迷度元宵。Kelly一开骚就唱出《Ask》及《都是你的错》两首快歌，然后与现场歌迷打招呼。她说︰“大家记唔记得对上一次我嚟广州开演唱会係几时？5年？10年？係19年！19年呢个数都有啲惊，如果19年后再返嚟… 唱到歌，你哋会唔会嚟睇？或者到时搵个AI，但今日就有呢个纯天然无添加嘅顶住先。”
Kelly昨晚请来专程从北京到广州的周笔畅做嘉宾，合唱歌曲《纪念日》。周笔畅与Kelly因2006年电影《春田花花同学会》而结缘，当现场屏幕播出当年两人的剧照时，周笔畅感触指《春》是其人生首齣电影，她在戏中的造型很傻。
Kelly不禁大叫：“18年前，係18年，My God！你个样傻，我都唔精得去边，跟住再合作係2015年做你嘉宾，隔咗9年，要同你影番张相。”Kelly与周笔畅头贴头重拍跟当年一样甫士的照片作对比，笑指自己需要美图。周笔畅随即说︰“唔使，你都冇变到，一样靓！”
Kelly在演唱会上加插跳舞Challenge环节，邀请排舞师上台教大家跳《谈情的价值》，过万歌迷一齐跳及摆end pose合照。她看见台下有观众想送礼物，即搞笑地说︰“係唔係利市？係我过嚟攞。哎呀，个公仔好得意，我想要，好耐冇收过公仔，呢啲公仔好年宵感觉。”
结束了广州站后，Kelly会先回港筹备新歌，然后下月再到上海及马来西亚开骚。
