婚后事｜陈自瑶回应另一半出轨问题
尝试解决：最后唔得都冇办法 | 香港01
无线（TVB）剧集《婚后事》正在热播，剧中陈自瑶（Yoyo）歇斯底里同罗子溢闹离婚一幕，含泪委屈的演技大获好评。昨晚（2/3）陈自瑶现身电视城出席《博爱欢乐传万家》筹款节目接受《香港01》访问时，回应如果现实生活中另一半出轨会如何处理？答案令人出乎意料。
《婚后事》以探讨爱情及婚姻世界各式各样别具争议性的话题为重心，由六个不同的主角以各自的视点为大家揭开故事不同面貌及真相，以多角度了解人性、爱情定义及意义。剧集首播至今，掀起不少话题，尤其陈自瑶（Yoyo）在剧中歇斯底里同罗子溢闹离婚一幕，含泪委屈样演技大获好评。
陈自瑶现身电视城出席《博爱欢乐传万家》筹款节目，接受《香港01》访问时表示：“其实都等咗好耐终于都播，第一晚嘅时候，我係好紧张，我唔知道观众锺唔锺意，同佢哋会有咩反应。而呢几晚我就好勤力做功课係咁出Po，每日都睇人哋畀我嘅留言，都睇到好夜，变咗每日都瞓得几个钟。虽然我唔能够一一回覆佢哋，但我都留言多谢佢哋。令我感动到嘅係，我睇到好多人嘅故事，而最特别嘅係张明芯呢个角色带畀佢哋好多共鸣。”
如果现实生活中另一半出轨会如何处理？
被问到现实生活中另一半出轨会如何处理？陈自瑶表示：“其实呢啲假设性问题好难答，因为当中有好多唔同嘅情况会发生，变咗好难答。（如果好似剧入面嘅情节咁，你会点处理呢段关係？）而张明芯就选择决绝。但其实张明芯係受咗伤害接受咗佢，再受伤害，佢先变得咁决绝咁疯狂。（会唔会好似张明芯慢慢去接受对方？）呢啲真係要睇实际情况。
（你会唔会伤心？）当然会非常伤心，但我会理性去探讨点解会变成而家咁嘅情况，自己出现咗啲咩问题呢？係咪自己做得咩唔好呢？问题能唔能够解决呢？但如果大家都尝试努力咗，而到最后都唔得嘅，又或者解决唔到嘅，咁都无办法。
（都会选择离婚！）如果大家尽力咗係唔得嘅，或者个问题唔在于我，或者对方唔愿意去解决嗰个问题，咁呢啲情况都要係双方。一方想，但另一方唔想，咁都係嗰句，如果最后都唔得都冇办法。”
