星岛：何晋乐被女友耻笑MV甜蜜样好老尴 首执导MV压力爆煲疯狂发恶梦
何晋乐（Rock）相隔1年4个月再推出新歌《深感荣幸》，还首次担任MV导演，这个第1次更令他压力爆煲，不断失眠，甚至发恶梦紥醒大叫，不过他认为是个难得经验，最重要新歌讲前度但得到现任女友支持，令他衝破心理关口。
採访：杜杜 摄影：朱伟彦 髮型:Hugo Poon@private i salon 场地:The AIR (The ONE)
Rock觉得自己最适合唱情歌，所以写低不少爱情故事备用，《深感荣幸》就是其中1个，灵感来自他大学时的一段情，“我喺英国读大学，呢段感情维持咗3、4年，keep住Long D，嗰时仲细以为拗撬就係磨擦，会越嚟越好，根本唔识得相处，唔明点样捱得过。”
感激女友大方支持
Rock最初没想过执导《深感荣幸》MV，因他有太多想法，本来的导演就提议他不如亲自拍，“导演话会睇住我，我就试吓，用咗个半星期整storyboard、搞分镜、度道具，女主角戏份做啲咩，后尾撞正打风，多咗两星期准备。”
他给自己导演成绩67分，“有唔少甩漏，好似剪得太碎，冇咗故仔头中尾阶段。”不过他自问已尽力，“好幸运呢两年识嘅导演同监制朋友，畀咗好多意见，好多谢咁多单位都畀信心，放手畀我做，向好嘅方向走。”
故事讲前度女友， MV中他跟女主角有不少亲密接触，Rock庆幸现任女友大方支持，“我有提佢故事咁写，佢反而话‘得啦，唔好烦，你拍啦’，佢好清楚我有几落力，知我发咗好多次自己脾气，失眠咗好多晚，有时夜晚瞓瞓吓突然紥醒出晒汗咁大嗌，佢知我好多压力，所以冇再畀压力我，放手畀我去做。”
最搞笑是女友品评他的演技，“佢话feel到嗰种痛，但开心同sweet嗰啲有啲尴尬，佢见过晒我呢啲样，咁我真係惊嘛！不断谂要跪玻璃嘅感觉去做係差啲，已经尽力。”
