罗天宇另类北上掘金 赚几多仲未知：一路赚到就投资返入去 | 香港01
提起罗天宇就不得不说，“好幸福嗰个！”“女神收割机”这几字，罗天宇曾和不少女神级艺人拍拖，所以毫无疑问地，这是一个令他既无奈又不可否认的称号。不过，除了这些称号，他是否就一无是处，没有讨论空间？
罗天宇被称“女神收割机”、“好幸福嗰个！”以外，是否就没有讨论空间？非也。相反地，近期他用了《婚后事》、《再见.枕边人》两套剧集两个截然不同的角色演释，去证明给观众睇到，他是一个演员而非单纯只是一个用花生绯闻娱乐大家的艺人。上年罗天宇离奇地在深圳大搞小食生意，更在半年内连开7间。“唔声唔声”就建立起一盘大生意，实在令人震惊。称他为“女神收割机”的人，现在可能要改口叫“鸡蛋仔大王”了。
鸡蛋仔大王
近年他和几个圈中好友合资在内地大搞港式小食生意，竟然“杀出一条血路”，分店更是愈开愈多。现时他们已准备开设第7间分店，亦被喻为行内少见，搞生意最成功的艺人之一，原来他们一班兄弟当初创业的目的，源于一个小梦想。
罗天宇在《01娱乐》专访中透露，说：“内地门槛比较低，你话係咪完全为咗赚钱呢…当然赚到钱係好啦，如果可以就开到全中国都係。我觉得最开心一样嘢係，可以同到兄弟一齐做生意。”
深圳开小食店有段故
他续指，这个梦想是由艺训班开始的。他说：“训练班出嚟，大家都会去打篮球，去玩，一齐搵嘢食，可能去九龙城，去彩虹，搵到一啲好平嘅，性价比劲高嘅，会好开心！因为大家人工都唔高，搵到啲平靓正嘅，会有满足感。有一日去到间，大家就话好正，将来储啲钱一定要夹份。点知而家就实现中，虽然唔喺香港。”他表示，相比香港，内地开业成本较低，生意亦扩展得更快。他说：“当然将来都想喺香港开。”
穷到要忍肚食平价下午茶餐
罗天宇坦言，当初读艺训班，演戏一齐做士兵时，收入真的有限。他说：“未去到食鱼蛋都要悭，但係你话啲贵价餐厅真係唔会去，所以我哋都係去搵平价茶餐厅，冰室，扫街。我记得我哋搵到一间$33嘅下午茶餐，米线有肉有鱼，有堆嘢饮，开心到呢。我哋lunch唔会去食，可能会等到3点，4点先去食，饿住都等埋。”
回想起这段“悭饮悭食”的日子，虽然辛苦但却开心，他说：“正㗎，大家一齐坐喺嗰间餐厅吹水，可能打吓机食吓嘢，係一个几开心嘅回忆。”
罗天宇透露，当初开店的起因，是因好兄弟李兴华因疫情所限而长居内地，后来李兴华决定打本让其本职厨师的父亲“有啲世艺做”，才开了一间小食店。再后来，罗天宇和张景淳决定加入这盘生意，中间搵到了一个专业经营饮食市场的人帮手，才一步一步将生意做大。
三兄弟各司其职
三兄弟一齐做生意，他们也按各自所长分工。罗天宇说：“Stanley（张景淳）係嘢食方面，我就係设计方面，兴华负责对外方面，因为佢好多嘢，沟通上面都可以即时做到，所以佢係最辛苦。多咗内地partner令我哋行快好多，点解我哋半年可以开7间，好大原因都係佢。”
小食店名叫“Ohlike”，名字竟然是没有什麽特别含意。他解释说：“其实我哋花咗好多时间，係极难。譬如鸡蛋仔，蛋冇啦，香港小食冇，买都买唔到，而呢个名咁啱有喺度，我哋就用呢个。呢个都唔係第一选择，而且好多个之后…”
北上掘金真係好？
访问中罗天宇也透露，现时生意发展得不错，他说：“每个地方都唔同，所以要拉上补下，实际（赚）几多又唔可以咁讲，不过（整体）係向好嗰方面。我哋一路将赚到嘅钱摆返入去，但係暂时冇实质一个数，我哋一路赚到就投资返入去。”
谈到小食店的经营，虽然罗天宇是老闆，投资者，但亦会亲自落手落脚招呼人客。他说：“有鱼蛋、碗仔翅，鸡蛋仔，仲有个大啲嘅鸡蛋仔，入面有涵，嚟紧都会推出新嘢，咖啡鸡饭之类，因应当地口味供应。”
做老闆一样要落场接待客人
“你做一排就知，如果啲人唔想试，你有都冇用。啲人嚟到就係食鸡蛋仔，可能有啲好特别嘅紫著，芋头，佢都觉得原味好，稳阵啲。要推荐佢哋先会试，但係九成人都会试完食返原味。”
经营方面，他们曾遇到不少难题，他说：“前嗰排有段困难，因为开学唔够人手，我同张景淳都要过几日返去帮手整鸡蛋仔，因为请唔到人。”记者笑言肯定有很多人认得他们是明星，一边帮衬一边影相，罗天宇笑了一笑，就说：“有啲人都会影吓相，同埋而家稳定咗，我哋个团队大咗就有一个人帮我哋请人同管人，咁就舒服好多。”
搵够唔使拍剧？
看上去，他们三兄弟已渐渐建立起属于他们的小食王国，记者问：“生意做大，成为亿级饮食王国老闆后，会唔会唔再做艺人拍剧？”罗天宇就回答：“我觉得拍剧都係要，可能产量冇咁多，但係因为我锺意呢样嘢，同埋佢都係咁多年嚟一路维持我生计，亦都係我生意嘅起步。我觉得有得做嘅时候，仍然都可以做。”
