姚子羚勇闯柬埔寨登台遗憾冇得行街 被问当地安全性：小心啲囉 | 香港01
姚子羚今日（12日）出席好友陈炜医美品牌开幕典礼暨代言人签约仪式，分享对方当老闆娘的喜悦，她接受访问表示：“我头先都有问陈炜话美容院都开咗张，佢都有话迟啲过嚟啦！想有啲乜嘢都可以过嚟做啊！”
提到最近飞往柬埔寨登台演出，她兴奋表示：“係呀！其实啱啱呢两日先返到嚟香港，真係有啲遗憾唔可以出去出边行吓，如果够时间我都好想去行吓。”
讲到网民留言指姚子羚勇闯柬埔寨登台，无惧“KK园区”事件，她坦言：“咁我都有问过，相信安全性係OK嘅，公司有担保同我做呢样嘢，都有人同我去。又唔好话非常去担忧，我都觉得唔係淨係呢个地方嘅，其实有好多地方都有呢啲事情发生，小心啲囉。”
她强调今次没有特别去任何地方，并表示：“喺个酒店非常安全。”提到保安方面有否加强，她说：“基本上我哋落机就已经係酒店嘅保安一路跟住我哋出去机场就上车，上完车去到酒店就落车。酒店里面係安全嘅，有晒安检。”
被问到“胡说八道Girls Night世界巡迴演唱会”会否在香港演出，她表示：“呢个都好希望，其实一路我哋都想，我谂香港可能有机会係最尾，未知，如果有主办方想邀请我哋梗係非常开心，目前都係希望去东南亚先，都想去返啲近少少嘅地方。”
她继续指大家都各有各忙，并透露：“前排同李施嬅佢哋食饭庆祝生日，我都唔得閒去到，所以要约得到大家一齐去做一个骚都係唔容易。”讲到香港站会否以红馆为目标，她直言：“真係有啲难，红馆係好多歌手嘅梦想，我谂未必，都有谂过度过可能会喺亚博或者会展，不过我哋未有确定。”
