陈炜荣升医美老闆娘照收代言费 幽默回应：陈医生个样好残 | 香港01
陈炜今日（12日）出席医美品牌开幕典礼暨代言人签约仪式，她接受访问表示：“活动唔係筹备咗好耐，但筹备咗开医美有一至两年时间，其实之前一路喺度搵铺，但一搵啱咗个舖头，但时间上面就好紧迫。”
她继续指今天要代表老公陈国强（Aldous）说声抱歉，并表示：“因为我先生本身都係医生，所以唔係好方便宣传自己嘅品牌，所以重任就交俾我！”
讲到荣升老闆娘，是否需要很多时间兼顾打理生意，她说：“我自己都唔知呀！但我都係觉得拍戏为主，但今次嘅活动我係紧张，始终都係第一次嘅记者会发佈，要面对话俾大家听有呢个品牌。”被问到投资用了多少金额，她说：“呢个钱唔关我事，除咗代言费之外，我其他嘢係唔知。”
她笑言：“冇得免费，我唔收公司都要收。今次其实（代言费）係高㗎！因为佢需要我做好多嘢，所以係比之前做过代言人係高嘅薪酬。”提到今次拍形象照是否要加强修身，她说：“其实呢个零月瘦咗15磅。”
至于有关宣传照的性感造型是否有给予老公过目过，她表示：“有，佢已经睇到我着咩衫。佢希望我係可以好百变造型，今日大家首先见到第一辑嘅相，係白色为主，但之后有更加多嘅形象俾大家睇。”
提到早前出席袁伟豪孩子的百日宴，有网民提到“陈医生个样好残”，她坦言：“我觉得唔可以唔公平嘅，大家平时见到明星都化晒妆，佢太忙啦啲时间都摆喺健身上，佢之后会注意啲。”
讲到会否教老公保养，她说：“我唔使教佢保养，佢识㗎！”被问到对于这样的批评老公会否感到不高兴，她表示：“佢会㗎，所以佢其实呢排都执得个样注重咗啲。”被问到较早前出席活动踢爆朱晨丽好事近，暗示对方即将会结婚，她回应：“呢啲要等佢自己讲，我係好姊妹都希望佢快啲。”
