明报：跟卫诗雅“冰释前嫌” 薛家燕自爆有拖拍 唔谂住再婚
由卫诗雅（Michelle）主理的网上饮食节目《卫食攻略》昨晚（14日）上架，今集请来之前跟Michelle“有少少误会”的薛家燕任嘉宾，为表诚意，Michelle找来家燕姐的“饭堂”开餐，2人边说边食，顿时“冰释前嫌”。
早前的活动上，家燕姐将Michelle错认为陈家乐老婆连诗雅，2人合照时，家燕姐还恭喜她有喜，弄得在场人士捧腹大笑。节目甫开始，Michelle装到神色凝重对家燕姐说：“我哋之前有啲误会。”家燕姐又向Michelle恭喜：“卫诗雅，恭喜你提名最佳女主角。”Michelle捉实家燕姐双手锡锡，“多谢你，家燕姐。”家燕姐重提旧事：“哎呀！真係尴尬啦，我仲摸你个肚。”
席间Michelle向家燕姐请教保养秘诀，家燕姐表示汤水及充足睡眠十分重要：“我瞓4、5个钟就够㗎啦，但我随时叉电，我即刻可以瞓到，可能係自细养成。因为我哋好细个入行，嗰阵时最多电影拍，就係嗰啲锣鼓古装大戏，未到你嘅时候就瞓，如果瞓醒个头乱晒，嗰啲梳头姐姐就闹㗎，因为佢同你梳到咁好，有阵时古装花成个钟整头㗎嘛，你一下子瞓醒觉又由头梳过，厂又等紧你，唔怪得佢哋忟嘅，我学惯咗可以瞓觉，但唔会郁。”
Michelle还八卦家燕姐感情生活，家燕姐露出尴尬而不失礼的笑容说：“有拍拖，有人知道我有个朋友仔细过我嘅，咁我梗係好保护关係啦，因为佢唔係我哋呢行，我咁嘅年纪，我唔会谂住再结婚，佢希望想结啦。”家燕姐继续爆料：“可能人哋想有小朋友，但係我收咗经啦嘛，哈哈，我食咗静心，吖！真係呀！唔使谂㗎啦嗰啲。”
Michelle乘机向玩Social Media玩到出神入化的家燕姐取经，家燕姐坦言女儿及儿子是自己的团队：“我个女帮我上连登，我问佢𠵱家潮流兴啲乜嘢，我就会尽量去做，好似《Flower》，我啲学生话：‘家燕妈妈我哋全部都识跳。’我唔识跳会好瘀㗎嘛，自己又係校监。”
随后，她过两招给Michelle，“寄语”不要在厕所浏览社交平台：“因为有一次我喺厕所睇facebook，唔小心揿咗live个掣，哈哈！我两个女，‘哗！妈咪你做乜嘢呀？你做乜喺厕所Facebook live！’嗰刻唔係好多人睇咗啫，我係大头咁坐喺度，做紧一件好大嘅事！”
不少fans都会送偶像礼物，问到家燕姐收过最名贵礼物，家燕姐坦言收过鑽石、金牌：“有位影迷拎个金牌出嚟话帮我戴起，金牌后面钉个钉，然后佢帮我拮落件衫，但嗰个金係好重，我件衫係雪纺，佢一戴上嚟，我就睇住我件衫撕烂咗。”此外，当年亦流行送银纸牌：“当然啦，银纸牌好多，美国最兴㗎，用美金，有啲砌心形、有啲砌咗个‘燕’字，好多谢佢哋咁支持。”
