明报：庄思明称已筹备婚事8年 未知今年能否出嫁
庄思明昨晚（16日）出席慧妍雅集42周年慈善晚会时，表示已完成在横店的剧集拍摄工作，将重返《爱‧回家之开心速递》剧组。她说︰“我个角色同之前一样，但故事发展有啲唔同。同杨明有冇对手戏？好似有同场，但冇关係，只喺同一空间出现。其实我哋冇所谓，以前都试过同场，喺第一辑《爱‧回家》都合作过。”
思明否认两人当年因合作《爱‧回家》而相恋，忆两人相识多年，拍《爱‧回家》时因常见面而熟络，继而拍拖。她笑言︰“佢不停约我食饭，又有诚意，冇办法。《爱‧回家》可以话係我哋嘅定情剧。”
谈到婚期，思明说︰“我年年都话尽快，答到好厌，真係希望尽快。不过，今年只剩番9个月，唔知够唔够时间。我见朋友筹备婚礼要搞好耐，我同杨明都喜欢热闹，始终人生大事，想邀请所有亲友出席，所以要多啲时间筹备。我都筹备咗8年，所以一定会好完美，相信我。”
