星岛：姚焯菲随时同詹天文做伯克莱校友 18岁生日撞正大考放纵一日唔敢饮酒
姚焯菲（Chantel） 早前趁学校假期又返港出新歌《Dreamscape》，今次由钢琴老师TonYnoT为她度身订造轻快曲风，因面临毕业试，今年9月18岁生日的她未必能尽情庆祝，另外Chantel透露随时跟詹天文做伯克莱音乐学院校友。
採访：杜杜 摄影：谭志光 髮型:Hugo Poon@PRIVATE i salon 化妆:King Yip@Kings Makeup场地:Mira Place
Chantel表示《Dreamscape》是入行以来最锺意的歌，因为主题由她构思，“好想有首歌係好缤纷party feel，讲同朋友过一个好开心嘅晚上，have fun。”因为近期忙于功课未有机会玩，加上快将生日，Chantel于是凭歌寄意，“踏入18岁係需要庆祝嘅日子，好开心去派对，暂时逃离现实放低学业，现实冇可能做到，就用呢首歌当实现咗。”
10月返港大肆庆祝生日
Chantel早已计划18岁庆生活动，但因考试或要变阵，“9月我係考紧试，好似正日（22日）仲考紧，有机会係最后1日，但就算考紧都会畀自己放纵1日，希望爹哋妈咪可以嚟陪我，但唔会玩得太癫丧，饮得酒都唔好饮，可能要等到10月返嚟先好好庆祝，会搞party，细节未谂，都当埋庆祝毕业。”问她会否预埋粉丝一齐玩？她即有点尴尬：“哗！呢啲真係要返嚟再谂喎！哈哈！希望fans club会搞，大家一齐庆祝。”
讲到After Class好姐妹詹天文获美国著名伯克莱音乐学院取录，并获主动提供8.000美元（约6.2万港元）的奖学金，Chantel好戥对方开心，更预告两人随时做校友，“我即刻message佢，我哋之前有倾过，知道大家会报呢间学校，当然我未报得，因12月先毕业，报名时间会后啲，我会迟佢1年先入大学，知佢会睇埋学校成绩先决定，如果我哋真係读埋同一间学校就好搞笑。”
她称已有个报学校list，有香港、美国同英国，会读business或者music business的方向。
