曾志伟想香港小姐由主持到评判都全女班？ 仲打算去中东拍外景 | 香港01
新一届的《香港小姐竞选》开始进行招募，无线（TVB）总经理曾志伟（13日）出席完记者会，在接受传媒访问时表示今年考虑“搞搞新意思”，打算由主持到评判都是“全女班”：“PROUD TO BE A WOMEN嘛，作为一个女性为骄傲嘅话呢，会唔会全女性包括主持啊、评审啊都係呢，我哋就係度考虑中嘅，呢个係我哋其中一个选择嚟。”
曾志伟说到过去51届的香港小姐诞生了不少人材：“香港小姐选举的确出咗唔少人材同埋好多代表性嘅港姐出嚟，你嚟到选香港小姐最重要一样嘢就係你觉得作为一个女性係有骄傲㗎嘛，咁选港姐係一个荣誉嚟㗎嘛，所以就不如攞呢样嘢做埋我哋个主题啦。”
他被问到今年港姐会否出外景拍摄时，他则说：“继几年疫情之后已开返关啦嘛，咁不如就出去啦，咁既然谂到出去啦，不如去远啲啦，所以我哋已经联络咗欧洲啊、中东啊佢哋地方。我哋就想分组去一啲唔同嘅地方去体验当地女性唔同嘅生活啦，同埋女性嘅文化啦，咁佢哋又代表香港，顺便宣传吓我哋香港啦！”
至于今日的记者会则找来全男班来吸引女生来参加，他们在台上表演后，连曾志伟都表示没想到会这样吸睛：“因为我都冇谂过行出嚟会咁靓仔，其实我哋每一年第一次招募嘅都係历届嘅冠军啦，话畀大家听，呢班就係港姐冠军啦。跟住我哋就话仲有几次招待会，不如试下全男班啦，咁唔淨止呢班係全男班，更加有啲係同港姐有关，已经将港姐迎娶返屋企。”
一班男士除了与香港小姐息息相关外，他更指这班男士中亦有人是“香港先生”出身，曾志伟更预告：“咁即係作一个预告，可能我哋今年都会举办香港先生，因为我哋都停咗几年冇搞！”
