吴子冲“赤裸粉红”连阿爸都问 樊亦敏尝鲜肉：其实我都唔係咁渴求
TVB的剧集《神耆小子》中洪玫瑰（樊亦敏 饰）与“小鲜肉”孙正杰（吴子冲 饰）有“姦情”，两人最吸睛是吴子冲“赤裸粉红”，网民更指他是“除衫担当”，吴子冲与樊亦敏今日出席宣传活动时，被问到姦情一幕，吴子冲表示为除衫密密操练。
他说：“监制安排得好好，将除衫戏排到最后先拍，有时候俾我操练一下，由收到剧本知道要除衫，我都开始用168饮食方法，同一星期做六日gym，当时戒口都好辛苦，但戒戒吓都习惯，对食物都无咩感觉。”
赤裸太过粉红，引来话题，“係呀，我都唔知点解电视画面拍出嚟会咁红润，拍时完全无搽任何颜色，最多只係腹肌打阴影，所以连我阿爸睇完都问我点解会咁粉红，叫我除衫俾佢睇，咁我当然有除俾佢睇啦！”
樊亦敏笑言全剧最有艳福，除了与郑则士有感情戏，又与吴子冲有姦情，“剧情需要，其实我都唔係咁渴求，虽然我曾经喺综艺节目中有讲过，我入行至今都间接咀咗好多帅哥，连曾志伟都话我以后唔使加人工，但我都係宁愿拣加人工，每次重点都係因为剧情需要，大家要搞清楚。”
