神耆小子｜吴子冲被指靓仔过男主角 求生慾极强：Kent哥係最型㗎 | 香港01
吴子冲于剧中饰演樊亦敏的“姦夫”，在剧中不时“晒肌”劲吸睛，他接受《香港01》访问时却表示一身肌肉原来没有练很久：“因为我接呢套剧到我拍只係隔咗一日左右嘅事，原来我係放假嘅状态嚟，所以拍之前基本上係可以比较瘦，身型又冇咁好啦，然后一拍剧day 1就开始我嘅training同我嘅节食同运动咁样。”他觉得出来的结果可以接受，因为是他用短时间努力得出来的成果。
吴子冲被问到对于保持“靓肌”是否已经有心得时，他表示有一点点，因为自己曾经是一位模特儿：“做演员之前係做medel嘅，咁就对于管理饮食啊，同埋控制身形方面都有小小经验啦，不过做model已经係10年前嘅事啦，身体同以前都唔同咗。”他自言说需要有多方面的配合及调整。
至于剧中吴子冲多次被樊亦敏摸胸肌，他被问到会否觉得害羞时，他则说会觉得得害羞：“一开头嘅时候，因为监制想我大大隻隻，所以畀件紧身嘅白色tee我著。”但因为当时他还未操练，觉得穿紧身的衣服就会露了小腹出来，所以下意识就会挡著自己的身体。他更透露当时拍摄“骚肌”场面时，大部分的工作人员都是男生，只有樊亦敏一位女性，所以感觉不到尴尬。
而剧中吴子冲与樊亦敏的关係亦扑朔迷离，樊亦敏为了他更被郑则仕赶离公司及家门，到底樊亦敏为什麽要这样保护他，不少网民都在猜测二人的关係应该非情侣，网民指他们像“母子”及“姊弟”比较多。
吴子冲亦透露：“绝对唔係情侣咁简单，因为睇得出我哋嘅相处方式係有少少似家姐对细佬或者妈咪对一个妈宝咁样嘅感觉，当然啲关係我哋就唔係情侣啦！”虽然他不肯剧透二人最后的关係，但不少网民应该猜得出他们的关係。
早前有网民指吴子冲“靓仔过男主角”，但他求生慾极强地表示自己心中最型的人是郑则仕：“我觉得Kent 哥係最型㗎呢度！我哋有咁多位男主角，我觉得Archie好鬼sharp醒喎，仲有萧正楠，边度轮到我啫。”
剧中他饰演的角色属比较斯文，被问到与现实中的自己有没有反差时，他就觉得有：“同我自己本身係有少少唔似嘅，我自己可以话係小小烂挞挞，对比起呢啲斯文嘅类型的话。”虽然外表不同，但他就指这也是自己面对长辈的一面，恭恭敬敬的。
