41岁文凯玲陀龙B预计7月底“卸货” 幸福准妈妈：每次BB郁都会同佢倾偈
曾参演《一舞倾城》、《状王之王》的“星女郎”文凯玲（Connie）在今年3月14日“白色情人节”与圈外男友Jason结婚。而文凯玲“升呢”为人妻后，又将再“升呢”做妈妈。
现年41岁的Connie近日拍孕照留念，称：“知道有咗嘅时候觉得好幸运，毕竟喺医生眼中已经係超高龄产妇，产检嘅时候唔同嘅医生同护士知道係自然怀孕都会话好难得。”
文凯玲陀B没特别戒口
虽然被视为“超高龄产妇”，但陀住龙B已8个月的Connie直言：“大肚冇特别戒口，亦冇咩禁忌，已经8个月一直好忙，开头係工作，之后筹备婚礼然后忙住搬屋。忙起上嚟好多时会唔记得自己大住个肚，成日俾身边嘅人叫我唔好行得咁快！”
现在尚未“卸货”，但这位准妈妈摸住孕肚已经母爱满溢，称：“BB係肚里面好活跃，成日都觉得佢好似游紧水，之前係自由式，最近变咗蝶式。而家隔住个肚都见到佢郁紧。每次BB郁，我都会同佢倾吓偈，老公亦都好锺意摸住个肚，BB一郁佢就会笑得好开心。”她透露，预产期在7月月底，并待BB出世后才改名。
