金式森林｜港姐庄子璇快卸任即招入新剧感忐忑：怕一开机变机械人
港姐冠军庄子璇（Hilary）今日（30/5）现身电视城出席无綫年度盛事《2024香港小姐竞选》记者会。Hilary接受《香港01》访问时说：“踏入新一届港姐选美又准备开始，即代表呢一年我将快要卸任，感觉好唔捨得，一转眼我又会变成佢哋嘅师姐，咁所以我係好期待可以见到佢哋。其实我都有叫身边嘅朋友去参加，我仲话做埋佢哋嘅提名人，同埋讲畀佢哋知，参选係会令人生不一样，会体验到好多嘢，但佢哋听完都唔理我，可能佢哋觉得好大压力，同埋係会好攰。”
提到快将完成港姐职务，随即被招入剧组，伙拍视帝郭晋安在TVB新剧《金式森林》中合演父女关係，Hilary心感兴奋：“嚟近6月中将会开拍，剧本已经喺手，变咗我而家每日都会读，同埋试过自己望住块镜练戏都觉得自然，但可能一Roll机即刻变成机械人咁，哈哈！不过监制知我新手，惊我会睇太多相关影视作品，惊我会模仿咗人哋，叫我做好自己嘅角色就得。”
