《继承者》庆功宴 佘诗曼惊喜生日会 林峯黄浩然爆老婆追剧投入
佘诗曼、林峯、黄浩然、罗子溢、梁靖琪、陈静、刘江、余安安、张凤妮、龚慈恩、程可为、梁诺妍和艾威等，日前出席《家族荣耀之继承者》庆功宴，林峯为《九龙城寨之围城》谢票后，带同“十二少”胡子彤赶到，林峯捧著粉红色大蛋糕现身，全场大合唱生日歌，令寿星女佘诗曼惊喜万分，安安姐、张凤妮、Toby等拥抱送祝福。
剧中阿佘、林峯和黄浩然三角爱情关係，令人看得牙痒痒。最新剧情讲到阿佘坐冤狱，她说：“虽然坐监，但有两位护花使者喺我身边，其实都几幸福。”戏中饰演阿佘追求者、富二代“Rio”黄浩然笑说：“我记得，好似一出狱即刻又搵我借钱啦！”
周旋两位型男之间，观众都替阿佘头痛，黄浩然说：“我老婆都有追剧，佢话梗係拣我，唔通拣阿峯咩？”林峯赞成：“我都係咁拣！”阿佘问：“唔係问你老婆，係问你本人点拣？”他说：“咁梗係拣我啦！”阿峯和议：“我老婆都係咁讲！”他们笑指浩然戏中角色对阿佘非常豪爽，取笑他是提款机。浩然说：“不过，如果我係阿佘，我会拣‘高浚’（林峯饰），爱情係无原因。”
《继承者》开播踏入第四周，浩然透露剧情将与阿佘讲金又讲心，他说：“嚟紧‘Rio’终于唔使淨係同‘皓儿’讲钱，佢将有一场好情深嘅表白，好好睇。”林峯亦透露“高浚”将面临重大危机，他说：“之后‘高浚’都几惨，将经历一啲大事，亦牵涉到丘家。其实‘高浚’都几孤独，好彩嗰段时候‘皓儿’有喺身边陪伴。”
另一边厢，罗子溢、陈静（DaDa）和梁靖琪（Toby）自言是剧中“动作担当”，罗子溢自爆网上新封号“丘家唯一男孙”，令他啼笑皆非，戏中演胞妹的Toby说：“我以为你叫‘渣男’！”又说：“我喺剧中好多动作戏，落水、跑沙滩、俾人打，女仔之中我算係俾人打得最多。”
DaDa大讚Toby后空翻跌落海一幕，Toby扁嘴并指住子溢说：“你知唔知有人笑得好开心㗎！我一路游紧水，一路有人哈哈哈哈，有片为证㗎！”子溢忍笑，说：“我惊你有事呀！”
Toby透露其角色随剧情走向令人心酸，说：“哎呀，好伤心㗎！有几场戏都好深刻，例如我同嘉良哥（罗嘉良）、我同我阿哥啦！（她指住子溢）佢好衰，呢个丘家唯一男孙，睇完大家会更加憎佢，好衰呀！”
子溢剧中艳福无边，先后与梁诺妍和王敏奕等靓女有亲密场面，他说：“我係爱情动作组，嘻嘻，有啲经验咁啦！令对手舒服啲，冇乜戒心，可以放鬆，不过我都有俾人打。”有否与老婆杨茜尧一齐睇？他笑说：“呢啲时候梗係走啦！啱啱嗰段时间帮小朋友冲凉，我有畀短片佢睇，佢睇完都‘咦～’！”Toby落井下石，说：“係咪冇得入门口？”子溢笑说：“我膝头哥损晒，仲未好番！”
