潘静文大骚司仪 直言没被上次抢对白事件影响：上次上咗一课 | 香港01
无綫年度大型筹款节目《明爱暖万心》今日（18/6）于尖沙咀举行记者会。当晚担任大会司仪有林正峰、潘静文（Sherman）孔德贤（Danny)今日亦有现身出席。对于三人首次合体，与阿姐汪明荃同台做司仪。
潘静文接受《香港01》访问时表示：“其实呢个係我第一次做嘅慈善骚，咁所以我係好紧张。同埋做慈善骚都要背好多资料性，咁所以都要同佢哋两位请教。（上次台庆做主持被批抢对白事件有否留阴影？）其实嗰一次可能幕后同幕前沟通有误会，造就到个镜头前，好似我做得唔够好，咁但係嗰次自己可能都做得唔够好。变咗透过嗰次係上咗一课。咁所以今次做直播希望可以俾进步大家睇。”
Danny就即场指教Sherman上台前千祈不要乱饮食：“因为之前饮咗杯冻咖啡，搞到喺台上搞肚痛，迟啲妖成新闻人物，好彩忍得住先冇出事，咁所以千祈唔好喺做骚前乱食嘢。”
提到今届港姐参选质数，林正峰大讚不得了：“好好呀！点解会话好，我係指佢哋嘅勇气，因为係来自五湖四海，唔只係香港。我係有好快咁睇过佢哋啲相，每年都係咁样，总会有啲会有人觉得Ok，亦会有人弹，但我就觉得人生点都要试一次，如果我係女版，我都会去试。”
