姚嘉妮林祖辉离婚｜陈山聪被指婚礼狂咀新娘 亲揭当日真相 | 香港01
姚嘉妮与林祖辉最近被爆出结束18年婚姻，至于离婚原因二人都不欲多言，只强调不涉及第三者。另外有指姚嘉妮举行婚礼当日完成注册手续后，竟当住老公林祖辉面突然熊抱担任兄弟团的陈山聪狂咀，场面令人咋舌，林祖辉亦一度尴尬黑面。
日前（21/6）陈山聪现身将军澳电视城出席TVB剧集《反黑英雄》宣传造势活动，他就事件接受《香港01》访问时说：“其实我当嘉嘉係阿妹咁，而且我都係啱啱先知佢哋婚变，当知道呢个消息，我都觉得好突然，点解会咁？因为当年佢结婚嘅时候，我都係做兄弟，亦明白家家有本难念的经，而且每个家庭都有自己背负嘅嘢，咁所以都应该尊重佢哋嘅决定，希望佢哋生活愉快。（会唔会慰问佢？）明白呢段时间佢哋都会有好多事要处理，咁所以我都唔打扰佢住，暂时畀啲空间佢哋，迟啲我谂会约埋陈敏之同佢一齐食个饭倾吓偈。”
对于被指同姚嘉妮狂咀一事，陈山聪斩钉截铁否认：“边有呀，梗係唔係啦！梗係冇咁嘅事啦，边有咁嘅事呀。我记得当时喺黄金海岸注册，我同祖辉佢哋咁熟，你哋都会谂到祖辉喺隔离，仲啱啱结婚，佢点会熊抱我然后锡我呀，呢啲都只不过係一啲传闻嚟。我哋绝对唔会，因为我哋係好好嘅朋友。”
