明报：李龙基自爆逾10年前出轨恋王青霞 5年前为离婚淨身出户
73岁李龙基的36岁未婚妻王青霞（Chris）因在港逾期居留、使用虚假文书及违反逗留条件在港接受僱佣工作等5项罪成，早前（19日）被判监25个月。李龙基近日接受网上节目《葳言大意》访问时，表示感觉到Chris爱他多一点。
他说︰“因为整件事嘅发生就係因为佢太爱我，若然唔係，佢无需要忍受或接受呢啲痛苦经历，因为佢想尽办法要留喺我身边，变咗做咗好多傻事。”
李龙基透露Chris写了122封信给他，他亦有回信，但不是太多，会在信中写上一些如“斜阳裡 气魄更壮 斜阳落下 心中不必惊慌”的鼓励性歌词，希望女方在监狱内自强不息。李龙基说︰“其实谂深一层唔係乜嘢大不了，只不过喺里面多咗时间去自我去检讨、自我去修正。佢话多咗时间睇书，对佢文笔好咗。”
他直言本预计Chris只会被判一年，结果变作25个月，打击虽很大，但不打算上诉。Chris扣减假期及认罪减刑后，尚有1年便恢复自由，李龙基说：“忍吓啦，佢忍时我又忍，不过当然我嘅忍更加需要努力，因为出面有好多诱惑。”
李龙基曾有8个物业在手，但他在节目中自言是个穷光蛋，离婚时将所有物业送给前妻，是因为他婚内与Chris发生感情。他说︰“我同前妻离婚，其实觉得对佢唔住，所以我係淨身出户，完全畀晒佢，我签字离婚，乜嘢都唔要。（係因为Chris？）係，为咗佢，2019年。”
李龙基表示10几年前最初认识Chris的时候，曾怀疑过她是贪图自己的名利。他说︰“我10几年前已经识佢，初初有咁样谂，后来因为唔想搞散个家庭，所以分开咗段时间。（即係你哋拍过拖？）係。（你嗰时仲有老婆？）係。后来再重遇，死喇，乾柴烈火，真係爱得不可交加。（边一年？）2019年。其实我2018年喺美国重遇佢，嗰时挞番着，就齐齐跳落火坑。（Chris知你离婚条件係将所有物业畀前妻？）佢知，佢好清楚。（你係唔係好多现金？）唔算好多，仲有少少傍身，都要捱。疫情3年冇收入，我都仲有啲积蓄可以捱过去。好多朋友捱唔过，我都仲可以借畀佢哋，冇要佢哋还。”
李龙基扬言Chris一定不会变心︰“我写包单都得，因为环境之下佢都唔可以变心，佢喺香港无人无物，得我一个，我食硬佢﹗就算呢件事冇发生，我都唔担心佢变心，我好清楚﹗至于我自己呢，我就要好努力，因为呢个真係花花世界。依家呢刻我都可以写包单我唔会变，但老实讲，呢个世界冇人可以讲係绝对，大吉利市我听日行出去唔知有乜嘢事，呢个世界真係太多变幻，有时候我唔想变，但係忽然间变，变咗去另一个国度，你最好嘅准备就係最坏嘅打算。”
主持人谈到李龙基的第二任太太比他年轻26年，Chris就比他年轻36年，李龙基被问到如何捉到少女心时说︰“可能好多人误会临老入花丛，你一定有手段对付后生女。我同你讲，我真係猪，我唔识，只係随缘。有一位堪舆学家同我讲过︰‘李龙基你识一个係细啲，再识一个又细啲。’我话唔係呀，我呢个已经细我36年，唔通再嚟一个比我仲细48年？唔好喇呱﹗所以我真係要尽力克服。”
