星岛：刘威煌孖谭辉智 颜米羔等搞首队中年男团狂搵钱
《好声音》之友锺意饮咸柠七咸出真友谊
《中年好声音》系列叫好叫座，带挈“中一生”及“中二生”係咁接Job，更衍生首队男团“轻鬆啲”(HZD)合体搵商机。“轻鬆啲”由“中二生”刘威煌、谭辉智、颜米羔、梁浩贤、甘永杰、梁思杰、潘文龙及王嘉明组成，“队长”刘威煌透露，中佬8子除每周做直播外，未来还打算搞旅行团、饮食博览等，发展空间非常大，总之人人有工开，梁浩贤更笑言既然温拿告别，就由他们来接棒。採访：方骞平 摄影：朱伟彦 场地：Midtown
连续4年举行个唱的刘威煌，8月10至11日再开Show，主题为“Reunite（重聚）”，成为演唱会最终章，威煌解释筹备一个Show太辛苦，之后要停一段时间才再做：“𠵱家我多咗一班志同道合嘅兄弟一齐玩，发展更多。”
以辉智为首接温拿棒
问到“鬆啲7友”如何瞓身力撑威煌？辉智二话不说提出要除衫助庆：“畀唔畀除衫呀？”米羔要求帮手卖嘢吸粉；王嘉明建议去尽啲饮滚油…当大家开始你一句我一句时，威煌表明已有构思，却未知能否实现到，但肯定唔会要班兄弟上台斋唱“消费”佢哋。
笑问係咪会劲歌热舞硬撼MIRROR？米羔即耍手拧头：“我哋只得8个人点都唔够照喎，佢哋有12子劲咁多。”唔声唔声嘅梁浩贤突然弹出：“其实我哋想组男团好耐，我哋年代係睇温拿乐队，既然佢哋开终极告别骚，咁交畀我哋去接棒，我哋呢度都有貌似陈友嘅甘永杰，大家一齐学习及发挥温拿精神。”语毕，队友即推举谭辉智做“谭校长”；锺镇涛係“光头仔”王嘉明，因为他跟阿B係多年老友。
拉姑爱屋及乌畀意见
原来男团“轻鬆啲”喺冇心插柳，忽发奇想下誔生。谭辉智爆出因为8子口味相近，都锺意饮咸柠七，大家由爱咸开始展开友谊！“队长”称一班人聚埋係讲缘份，由最初只得他和颜米羔、梁浩贤、梁思杰、王嘉明好啱倾，之后愈来愈多成员加入。大家每周会“吹鸡”食饭饮嘢，期间会吹啲无聊又冇乜“营养嘅嘢”，但又几好笑，后来索性由龙导(潘文龙)改团名进军网上直播，主旨係抛开烦恼，每周4晚带出欢乐，陪大家两小时。
米羔补充：“我哋就好似做《EYT》咁。”“队长”说：“我哋除唱歌，仲会跟网民有互动，坐低讲吓啲唔同话题，另外，轮住拍片分享22分钟生活日常，好似梁思杰直播煎燶边流心蛋及煮公翅(公仔麵加碗仔翅)咁同样受欢迎。”他还透露“轻鬆啲”有无限可能：“演唱会以外，可以搞旅行团、饮食博览、短视频、甚至接广告等。”
他更感激最爱辉智嘅拉姑爱屋及乌：“佢会追睇直播，仲会mark低啲point畀意见，如提醒我哋讲嘢唔好咁胡闹，节目中阳气太重，要请返啲女嘉宾中和吓，除此之外会分享圈中多年心得，最紧要唔好太自我，喺啱嘅时间做啱嘅嘢。”
