乐易玲解画“忘本论”唔係同炎明熹讲 矛头转向另外2位声梦小花 | 香港01
TVB高层乐易玲（乐小姐）今日（7日）出席《天使综合症慈善演唱会》，她接受传媒访问时表示今天有很多艺人来撑场，亦有关心何雁诗及郑俊弘儿子的情况。
乐小姐说到今年新年时，郑俊弘他们去她家拜年时也有带著儿子：“当时我已经见到，佢好精灵可爱同埋佢唔怕生宝，啊Fred好锡佢，成晚揽实佢。”
乐小姐被问到会否经电视媒介上帮助这群人士，她说到其实香港也有很多特殊照顾的人士：“我哋TVB都做好多节目去畀多啲人去认识呢啲人，公司做咗好多，但我永远觉得唔够嘅，我哋会继续做多啲囉。我都希望香港嘅市民或者香港政府啦畀多啲关注唔同程度嘅special list嘅人。”而TVB不少的艺人亦有不遗馀力的做义工帮助回馈社会。
至于被问到有关炎明熹（Gigi）最近被传离巢的消息，她则指Gigi的合约还有很长时间：“我就唔知点解你哋咁多人对号入座话佢要走啦，唔续约啦，同事应该都继续同佢倾紧合约嘅关係，佢仲有一段比较长嘅时间。我见每一个artist教每一堂教都会讲同一番说话，我哋唔係淨係做artists，係做人啊应该点或者我哋做演员应该点啊，有啲咩榜样畀啲观众啊，我唔相信佢係啲咁嘅人。”
而被问到上次“忘本论”是否指Gigi时，她表示其实是向其他人说：“我係同Yumi同Windy讲㗎，佢哋细个，能够提能够教我尽量教。我哋公司所有嘅artist呢都会话畀人听，做返个榜样同埋永远都要係朋友囉。”
但上次Gigi活动没有TVB记者前往採访，乐小姐就表示是唱片公司帮她接的工作：“我谂要问返唱片嗰边，我哋经理级唔洗跟呢个project。”
