40岁李彩华嫌中佬体力差 斋拣小鲜肉：追求者由98至03年都有 | 香港01
长驻内地工作嘅李彩华，今早现身大埔出席活动，她表示疫情结束后，已由上海搬返香港，虽然在内地有物业，但一直未有入住，每次到内地工作都会住酒店。提到感情事，李彩华都好坦白咁话桃花运虽然好咗，但依然未著落，仲话：“希望尽快啦，係有追求者，但可能唔係成日见，所以唔係有好大感觉。（要求成日喺身边？）我係锺意，当然唔想佢喺身边时 ，佢就唔好喺度，唔可以话呼之欲出，挥之即去，係大家时间要吻合。”
李彩华仲话而家只係要小鲜肉，最细追求者03年都有，仲话自己咩年龄都接受，但目前都係以拍拖为主，未有结婚打算，而年龄差距最大一段係相差14岁，可惜恋情只维持了一年。
“我以前只係要年纪比我大，但唔知几时开始，淨係要细过我。譬如一齐出去玩，会叫对方帮手影相，佢哋踎低咗起唔返身，咁我即刻觉得唔得啦，影相都唔得！咁OK，明晒！”
