明报：郑秀文分享舞台助新人 陈凯咏跟Sammi同台跳唱嗌梦幻
郑秀文（Sammi）昨晚（16日）在红馆举行第4场“You & Mi 郑秀文世界巡迴演唱会2023”（Rescheduled ），好友任贤齐（小齐）、蔡卓妍（阿Sa）、导演庄文强、蔡颖恩（Evelyn）与老公摄影师谭运佳、Vian@Me&、内地歌手苏运莹等捧场。
Sammi换上黑色水晶短裙跟表演嘉宾陈凯咏（Jace）合唱《煞科》，观众劲High，昨晚Jace出场前，Sammi说：“今（昨）晚呢位嘉宾，我觉得好啱口味，唱快歌又得唱慢歌又得，充满energy嘅新晋歌手。现场观众未必个个都认识佢，但我觉得呢个舞台，我好希望能够分享畀啲新歌手。舞台我就分享咗啦，至于你嘅演出，能唔能够打动到观众？就要靠你自己啦！”然后音乐响起《煞科》，Jace毫无怯场，跟Sammi台上又唱又跳，还加入一段Rap，全场High爆，Jace兴奋高呼：“好梦幻呀，我同Sammi一齐唱歌呀！”
唱完后2人拥抱，Sammi说：“每一个歌手都係由新人开始，当初好多前辈歌手畀咗好多机会我上舞台，我先至可以慢慢一步一步行到今天，我都希望今次演唱会，可以同啲比较新晋嘅歌手分享。”
Jace首次踏上红馆舞台，说：“感觉太神奇，好正呀，咁近距离感受Sammi嘅energy。你鼓励咗我好多，因为之前一段时间唔係好容易过，但Sammi超好，私下同我讲咗啲说话，令我觉得我真係要加油。”全场观众报以掌声。
Sammi续说：“长路漫漫，前面嘅路係你哋㗎啦，你要加油呀！”然后Jace送上一个汤壼，说：“我本身谂住自己煲汤，但考虑Sammi健康，所以里面係我写嘅一张汤券，等你演唱会完成之后，可以随时兑换我煲嘅汤。”Sammi笑说：“唔怪之得个壼轻飘飘啦！”Sammi随后落台换衫，Jace与带来的舞蹈员表演自己的歌曲《百妖夜行的修行》。 
