连诗雅爱女出世重5.9磅 陈家乐：帮BB剪咗脐带，好烟韧…… | 香港01
连诗雅（Shiga）与老公陈家乐的小公主Camila今日出世喇！母女平安，小公主Camila重5.9磅，初为人父的家乐剪完脐带既兴奋又感动，抱著Camila 爆喊！
宠妻号的家乐连日向公司请假，要陪住太太入产房、亲手剪脐带，见证小公主诞生，看到囡囡眼仔碌碌，脚撑撑，心情更是久久不能平复，语带激动说：“BB啱啱出咗世，好开心！出嚟已经非常之活泼，喺度郁手郁脚，佢哋话隻眼似妈妈，个鼻同口似我，但我唔係好分到，宜家仲有啲紧张有啲头痛，头先都帮BB剪咗脐带，个经历係好特别，好烟韧…..我唔识讲。”
初为人母的Shiga同样紧张，未正式推入产房时上身已经紧张到不停震，最后需要打了很少量镇静剂平复心情，Shiga说：“之前真係好紧张，上身不自主咁震，但到生嘅时候又发现冇想像中痛，囡囡又好乖好快就出嚟，见到囡囡出世一刻，好兴奋、好感动，咩痛都唔记得晒！更神奇係囡囡喊嘅时候，只要抱佢喺自己身边，佢自自然唔再喊！”
刚生完的Shiga表示感觉有点疲累，但为了囡囡健康已尝试喂人奶，看到囡囡嘴郁郁、手撑撑，所有痛和辛苦都变得值得，完全感受到母爱伟大！
