明报：反黑英雄｜丘梓谦盼成为多元演员 九成半动作戏亲身上阵
TVB剧集《反黑英雄》昨晚（17日）一集揭出杀死番茄（林俊其饰）的真凶竟是胆小又怕事的西敏寺（颜仟汶饰），西敏寺更因而被社团小头目Wifi哥（叶泓声饰）威胁成为毒品拆家。六神无主的西敏寺获女儿阿怡（曾文心饰）献计及支持，2人成为最佳拍档。
另边厢，被误会是“杀茄真凶”的阿占（丘梓谦饰）逃避轩神（陈山聪饰）、黑帮及㯋琪（朱晨丽饰）黑白两道追捕期间有多幕动作戏，他就地取材以花盆、火锅、梳化、铁柜及大型垃圾袋作反抗武器。
谈到剧中多场动作戏，丘梓谦说︰“我估大概都拍咗7、8日，又室内又室外。其实跑嗰度，我好有经验，因为之前拍《爆裂点》都係跑到气绝咁滞，嗰时仲要夏天跑，成30几度。”他表示为向多元演员目标进发及拍出好效果，近九成半场面都是亲身上阵。
丘梓谦说︰“火锅店成场戏，又反枱又衝入厨房又打人又避人，我真係全部自己亲身上阵咁滞，除咗一个镜头因为我对脚啲筋太硬，踢得唔够高要搵替身补替。嗰场我由上昼6点打到中午12点几，但前一日因为我拍另一场打戏拗到隻左手，变相嗰日打都有少少辛苦，但武指同导演有就住我，不断设计啲尽量畀我用右手嘅场口。其实拍到尾段我隻左手差唔多举唔起，但我都顶埋佢，因为我想动作戏尽量自己做番。”
据知，丘梓谦在剧中还会有打擂台戏。他表示打拳戏比跑步更辛苦，但感觉很爽。丘梓谦没有为打拳戏刻意操大隻︰“开拍之前，剧组有话想我练体能同敏捷度，但就唔使练好大隻，话太大隻唔似𡃁仔。张振朗有拍摄《拳王》经验，佢有教我点样打得靓啲同准确啲，仲帮我绑拳套入面嘅绷带。”
