李佳芯预告与TVB倾续约望加人工 另揭签约条件竟然係咁
TVB人气花旦李佳芯（Ali）昨日（30日）出席奥运打气活动，并在现场与观众大玩游戏。Ali 《香港01》 表示：“最近有睇张家朗嘅剑击，同埋有睇游水。”被问到最支持那位运动员，她说：“今届会特别支持剑击，见到张家朗唔止係感动又热血又紧张！睇嗰个仲紧张过打嗰个，运动员心理质素真係太强，好难喺咁逆境嘅情况係发挥得咁好。”她继续指锺意打网球，并表示：“由细到大都锺意睇体操同排球。”
自爆最近去英国旅行上兴趣班
讲到拍完新剧《麻雀乐团》之后，最近有关的工作，她说：“拍完《麻雀乐团》跟住我放咗一个短假期，我都係最近先返嚟！（去哪个国家旅行？）去咗英国，都係同普通人一样去学一啲兴趣班同上堂，感受吓生活，想一个人宁静吓，去沉淀下一个角色应该点样做，又或者下一样嘢想做啲乜嘢？”
预告与TVB倾续约
至于有网民指《明爱暖万心》慈善片段见到有李佳芯的出现，感到特别高兴，她表示：“多谢网民。（新剧何时会播出？）我都唔知道，剧集几时出街就要睇公司，《明爱暖万心》呢啲咁有意义嘅工作我就好想去。”
谈到现阶段是否已经跟TVB续约，她说：“今次返嚟我就会同公司倾，对上一次倾都係开剧之前，返嚟都会再update。”
讲到有关工作方面的去向，她说：“我自己都锺意拍剧，但係对我嚟讲如果係主持有适合嘅节目或者类型嘅嘢，我又觉得我愿意去做，唔会局限自己应该要去做乜。”提及会否希望向公司反映加人工，她表示：“每一次都会希望有少少加人工，呢个本身都係公司嘅传统文化，每次都会加少少。当然加人工每一个人都希望嘅，对一个演员或者幕前嚟讲有一个机会比起钱更加紧要！。”
