星岛：庄韵澄心痛近80岁妈妈委屈向前夫道歉喊到失控
惨被精神虐待3年无助求观音承认饮符水
庄韵澄(前名庄端儿)上周发声明宣布跟老公吕成忠(Joe)已分居1年，正办理离婚手续，还写下万字文交代事件，包括无法忍受每日被前夫情绪勒索，甚至秘密带走儿子到台湾作威胁。Joe亦火速上网台受访还击，力斥被庄韵澄母女欺凌，又指前妻有产后抑鬱，曾多次抱子危站51楼的屋企露台，甚至为自闭症的儿子用符水抹眼。
昨日，极度憔悴的庄韵澄接受《星岛头条》访问，1小时内多次爆喊狂呻恐怖前夫对她精神虐待，提到70几岁的妈妈要委屈跟前夫道歉更喊到失控，要用纸巾遮晒全面。 採访:曾盻坚
庄韵澄有话直说乜都讲，坦认有用符水为儿子抹眼，甚至自己亦有饮，全因无助求心灵慰藉：“因为佢经常‘跳掣’大吵大闹，甚至癫到偷睇我电脑，数返我未认识佢前，10多年前嘅男朋友，追问‘你呃我？又话得2至3个前度？’我长期受冷暴力对待，佢不停搵嘢嚟闹，仲要喺囝囝面前係咁嘈，我试过顶唔顺要求喺高速公度落车。”庄韵澄指前夫婚前婚后完全两个人，确实有怀疑过对方鬼上身，“喺最无助时候，又唔可以同其他人倾诉，唯有喊住对观音讲‘可唔可以唔好再嘈？’”庄韵澄称有宗教信仰，细个都饮过符水：“咁佢都有好多个佛牌啦。”
前夫精神虐待影响个仔
Joe影到庄韵澄抱住儿子危企51楼露台要胁他，亦怀疑太太有产后抑鬱。庄韵澄唔太记得为何有此举动，估计因为闹交出去透吓气，但强调从来冇轻生念头：“死咗咪乜都係佢，唔好啩，我做嘢好精明。”
她觉得对方另有居心：“如果佢觉得事态真係咁严重，点解唔即时上前阻止？甚至报警？反而顾住影相？佢大吵大闹时会好忟好粗暴，试过拉扯我手臂、掟嘢、饮醉酒时发酒癫，我只係被压迫到逃到嗰个位置，想佢停止疯狂行为，有提醒佢‘赢场交会输个家。’庄韵澄承认被Joe精神虐待，搞到3岁囝囝滈滈都有心理阴影：“细个时佢好得意，𠵱家佢喺咁嘅氛围下生活，唔太肯讲嘢，有自闭症，仲好冇安全感，黐到我实唔肯走。”
重提当日Joe不动色声带走儿子到台湾作威胁，庄韵澄和妈妈轮流传道歉讯息𠱁他返港，好彩囝囝最后平安返回她身边，庄韵澄委屈爆喊：“妈妈係70几岁老人家都要同佢道歉真係好惨，我咁大个女，其实呢件係家庭纠纷，我冇话自己冇错，但唯一最对唔唔住係妈妈及个仔，我只能话遇着老千真係好苦，由认识一刻已被设计及操控…”
她强调勇于面对错误，可以重新来过：“冇嘢係做唔到嘅，我会坚强，大家闹我唔紧要，我冇嘢对唔住人，呢啲係我家事，我係圈中人都成日会俾人话，预咗派花生，但唔好屈我。”
