陈凯琳自认走慈母路线 揭郑嘉颖教仔方式：穷养儿，富养女
陈凯琳（Grace）与老公郑嘉颖于2018年结婚，两人婚后火速造人成功四年抱三。贵为三子之母的陈凯琳接受《香港01》 专访分享育儿心得、与老公管教孩子方式以及现时担任KOL工作的点滴。
对于较早前出席救助儿童颁奖典礼，她表示：“其实我自己作为妈妈，都知道每一个小朋友都有唔同嘅开心，同埋我好希望我嘅出席，同埋我自己嘅参与，令多啲人知道有好多家庭需要我哋嘅帮忙同支持，我自己都好希望以身作则，小孩会问我妈咪，你今日去边度去做啲咩，要教育佢哋点样关怀同埋爱惜别人。”
自爆放弃咗拍剧嘅梦想
被问到如何分配家庭和事业取得平衡，她直言：“我发觉越来越多嘅女士都要做嘢嘅，其实亦都听到好多妈咪话有啲安静嘅时候可以有返自己，但我相信每一个妈咪都希望做嘅嘢係为咗孩子去做，有呢个使命我又唔觉得自己会好辛苦，我就希望可以更加做好啲，其实我哋作为父母都希望将最好给孩子。”
至于选择工作的考量，她表示：“好彩我嘅工作係比较弹性少少，我就冇一个朝九晚五嘅工作，选择一啲自己锺意做嘅嘢，去拍片。虽然拍片都係比较花时间去做，好多时候喺屋企去剪片同埋筹备，变咗多啲时间喺屋企陪小朋友。”讲到过去是否有拍剧的邀约，她说：“我有谂过嘅，但我觉得自己做戏唔係十分之叻，我已经放弃咗拍剧嘅梦想，拍网上嘅片多少少。”
唔认同“有仔要趁早生”
讲到是否认同“有仔要趁早生”，她表示：“唔一定嘅，首先你要知道生小朋友，你同对方（伴侣）係咪都一定锺意小朋友？生小朋友係一个好大嘅责任，若果要生小朋友一定要准备好自己嘅心态。每一个人去睇结婚生小朋友嘅时段都会唔同，讲真现在嘅科技好发达就算想迟少少生仔其实都可以。”
至于老公郑嘉颖是否希望追多个女，她笑说：“讲笑就讲过话想要个女，之前有传闻话我想生第四胎想要追个女，我觉得我哋屋企三个小朋友係啱啱好，其实我冇乜所谓仔定女。”她继续指最紧要与三个小朋友的相处得良好，才是最紧要。
揭郑嘉颖教仔方式
对于与老公郑嘉颖管教孩子的差别，她表示：“佢就比较会传统，同埋佢希望个仔真係有多少少责任心，俗语都有话‘穷养儿，富养女’，我自己就係一个慈母，对住个仔就乜都可以，就算咳都可以食雪糕。”被问到孩子跌亲，老公会否特别严苛“唔准个仔喊？”，她表示：“呢一方面我又好坚强，可能我自己都係一啲比较好open（国家）去长大，啲细路仔跌亲嘅时候，我都会叫佢哋快啲企起身。”
有望孩子体验参加游学团
如何面对小孩发脾气，她说：“发脾气，我就唔会凼佢哋，因为喺我哋屋企係不可以嘅行为，叫佢哋喺屋企某一个位度冷静，同埋要道歉。”对于孩子的学业方面，她指孩子现阶段未去有功课要做，并表示：“我听好多人讲话通常为咗功课，同啲小朋友就会有啲唔开心嘅拗撬，去到呢一步就等补习老师教佢哋。”
被问到会否希望安排小孩去到外国升学，她说：“我啱啱之前去咗一个游学团，其实就係英国，其实呢个经验都係几好，让小朋友去多啲游学团接触唔同嘅国家，可能佢哋将来就会谂会去外国读书，最紧要呢个决定係让佢哋自己决定，而唔係父母帮佢哋决定。”
透露大仔表演慾强锺意拍YTube
提到身为星妈经常会遇到热情的粉丝要求合照，她大方表示：“呢样嘢经常发生，我哋又去主题乐园同埋唔同地方，粉丝都好有礼貌，尤其是我同小朋友一齐，佢哋都好惊影到小朋友。之后个仔问，我哋就会讲话因为爹哋妈咪做电视有拍戏，所以佢哋可能认识我哋就想同我哋影相。”
讲到小孩是否也有表演慾，有望培养小孩进军娱乐圈，她笑言：“我感觉大仔会，因为佢都几锺意拍YTube影片，问我几时会摆上YTube俾大家睇。大仔话想去超市拍摄，介绍吓买咩餸菜。”
做KOL经营秘诀
被问到作为香港KOL前十名代表之一，有关经营方面的秘诀，她表示：“最紧要係真实，希望你现实同镜头上係唔同嘅角色，最紧要係表现自己最真实嘅一面。”谈及事前准备的事项，她说：“我又冇点样刻意去睇，因为现在唔知道观众係点样，可能你谂嘅路线都根本唔係嗰样嘢。”
至于点击量最高的影片，她说：“通常好简单係10分钟嘅影片係最高，我觉得最紧要拍片係有共鸣感。”
