冯素波寿宴｜商天娥久违现身与欧阳震华互窒 被催出山拍剧咁样答 | 香港01
昨日（7日）是冯素波（波姐）80大寿，一班契仔契女为她举行寿宴，广邀亲朋好友出席。陶大宇、商天娥（娥姐）及欧阳震华（Bobby）都专诚到贺，娥姐自从21年拍完TVB的《宝宝大过天》后已甚少出席公开场合，今次久违现身，与两位老拍档齐齐受访，她与Bobby不时互窒，非常搞笑。
几位讲了多句祝贺说话，又祝波姐永不言休，大宇说：“而家先至係开始呀！”问几位送了什麽礼物给波姐，Bobby：“我梗係最传统嗰啲，封咗封利是仔。”娥姐：“奖金奖品，同埋一束佢好锺意嘅紫色嘅花。”而大宇亦封了利是，祝波姐长红。
波姐近年开了自己的YouTube频道，之前亦请了大宇做访问，他大讚波姐好好倾、反应又快，而Bobby月底亦会上她节目，娥姐则说：“佢未约我喎，可能我唔够红。”有好一段时间冇见娥姐拍剧，问她有冇戏瘾，她却表示：“唔好喇！”两位好友大为失望，Bobby即说：“咁讲完啦！”大宇亦笑言：“冇嘢讲啦，娥姐都话唔拍喇，咁我哋拍咩啫，收线啦，唔该晒。”
讲到与波姐相处的难忘事，Bobby表示：“波姐做过我妈妈，做完嗰套之后，一路都冇合作过，都十年八年前，大家都有食饭联络吓，波姐係我识嘅长辈之中比较夜瞓，有时12点1点我都见到佢Online。”而大宇都多次在剧集饰演她儿子。
之后娥姐讲讲下拧向Bobby，Bobby忽然搞笑说：“你个样撩交嗌，你係咪好唔满意我，拧亲过嚟都係藐紧我。”娥姐大感无辜问：“係咩？我好爱你㗎！”Bobby更学她的表情，叫大宇望望，大宇说：“佢吞口水啫。”Bobby：“吞口水用喉咙吞㗎嘛，唔使用个嘴吞。”娥姐即谓：“冇冇冇，你误会咗喇，师兄。”不过两人当然只是搞笑，Bobby补充说：“我识佢好多年，未入行前已经识佢，佢细我好多年，但係我哋都叫佢娥姐，咁你话几霸气，唔係深井（烧鹅）呀，真係娥姐。”
