【星岛猜猜猜】星8卦丨“忠心”嫁人被逼增肥扮丑 “高大”大男人真身暴现新婚变分居
“忠心” 以为幸福在眼前，速嫁“高大”嘅下场都好凄凉 。话说要搞掂“奶奶”都唔容易，每次“高大”带女朋友返屋企都俾“奶奶”黑面，都唔知赶走几多好女仔 。“奶奶”最锺意对住“高大”弹佢啲女朋友，“高大”又唔敢反驳，所以久而久之都唔会再畀“奶奶”知自己拍拖 。
今次突然带“忠心”返屋企仲话要娶入门，“奶奶”梗係爆炸啦，所以一直都话自己唔认呢个新抱 。“忠心”以为“奶奶”难搞啫，最估唔到係个男人完全冇帮自己出下头，仲加埋一齐虾自己。好似“忠心”好怕肥，“高大”就同佢讲锺意女人肥，叫佢最好肥十磅，“忠心”觉得肥啲有福气都ok啦，所以同佢癫到走去增磅 。不过最难顶係任何时候都唔准“忠心”化妆扮靓，连买件企理嘅衫都话发姣，想去勾佬呀，嗰种大男人完全令“忠心”觉得好难顶 ！
“忠心”一向都好注重外表，因为任何一个女人都唔想自己变丑，何况结婚之后佢哋就更加唔想畀人话黄面婆 。最近有人发现新婚无耐嘅“忠心”成日返咗阿妈屋企，两公婆好似斗紧气，而“高大”亦唔多打算凼返老婆返屋企和好咁嘅款，睇嚟呢段婚姻都係迟早完，冻过水！
