【星岛猜猜猜】星8卦丨“高大”媾错大嫂 大佬开辣条件惩罚 急娶“忠心”自救害人害己
因为係初恋，“忠心”对“高大”一直念念不忘，所以当“高大”突然之间再对佢展开追求嘅时候，即刻心心眼。“忠心”细细过出嚟搵食，为养家都唔係好介意自己搞成点，不过最美好年华遇到“高大”，当时两个人都无钱，初恋係特别难忘 。
奇在“忠心”以为“高大”咁大名气唔会再搵自己，因为当时有“花旦”做女朋友，而且半公开啦！所以有一晚“高大”突然打畀自己话想出嚟倾下偈，见到面之后“高大”话对佢始终放唔低，知道自己係对方初恋，所以好想再续前缘，仲摆阿妈上枱话佢一直好想自己成家立室。
“高大”出咗名孝顺，搬阿妈出嚟“忠心”梗係信，天真咁以为“花旦”唔可以入门，又关阿妈事，因为唔锺意佢喎 。其实係当时“高大”食错咗江湖大佬嘅女人，唔单止畀人打镬金，仲开咗条件要“高大”3个月内搵个女人结婚，如果唔係就有排都唔得閒，日日搵人搞到佢鸡犬不宁 。
“高大”见个女人好合自己眼缘，喺埋一齐都冇一个星期就遇到教训，“花旦”知道呢件事又唔肯配合，咪谂起要搵“忠心”，知道佢一直都放唔低自己 。果然一星期后就宣布婚讯，令到成个社会都觉得震撼㗎！
