明报：被男同学表白 詹天文吓亲 极速请食柠檬：对佢冇感觉
詹天文（Windy）今日（13日）到新城广播接受谭玉瑛（阿谭）、何基佑及麦皓儿主持的《QK玉瑛室》访问，宣传新歌《麻烦弹开》，Windy送上弹弹波给一班主持，寓意歌名的“弹”字，她又指：“希望你哋啲麻烦都弹开。”18岁的Windy被问到是否遇到多麻烦事？她直言：“都几多，人生中好多麻烦，会有人或事，有啲人磁场夹唔到都会麻烦，我尽量去面对，唔会逃避。”
阿谭又问到Windy有什麽择偶条件？Windy表示要阳光、乐观及高自己一个头，但她强调：“当真正锺意一个人时，呢啲要求都可能会冇咗。”再问Windy有没有遇过难忘追求者？她自爆在刚过去的七夕收到男同学的表白，她说：“我同佢喺学校冇乜讲过嘢，佢仲话锺意咗我好耐，又写咗大段嘢畀我，有少少吓亲。”
Windy已极速婉拒对方，她说：“我好明确同佢讲对佢冇感觉，同埋想专注事业同学业，佢有覆我，但我冇睇。如果同一个人一齐，我要有足够感觉，而唔係试吓。”
